韓閣 (富裕樓) (已結業)

今日嚟咗荃灣食韓閣，這是一間韓國特色嘅傳統美食餐廳，價錢好平民之餘仲要免加一，店員好好禮貌🥰芝士岩漿炒飯 岩漿炒飯賣相十分吸引❤️滿滿嘅芝士充滿住邪惡感🤤🤤將周圍嗰啲多到好似岩漿嘅半溶芝士同泡菜炒飯撈勻咁食，味道可口之餘唔會單調👍🏻👍🏻微辣嘅泡菜，半咸半甜嘅芝士，加埋嫩滑嘅辣豬肉片，口味好豐富！而且呢個岩漿炒飯份量真係唔細！兩個人食都食到超飽🤤個鐵板仲好夠熱，可以一直暖暖地咁食～芝士泡菜煎餅煎餅外脆內軟，外皮帶點燶邊，煎得好香脆，裡面仲佈滿晒泡菜芝士🤤🤤帶辣味嘅泡菜配上芝士非常惹味，食落有少少濕潤，唔會太乾身，仲可以點忌廉奶酪醬食，令成個味道昇華🤪韓閣雜錦蛋卷蛋卷上枱時熱辣辣，每件蛋卷都被預先切好，好貼心🥰表面仲鋪滿晒明太子、芝士和泡菜🤤一層層嘅蛋卷食落鬆軟唔硬，入口充滿濃郁蛋香，雞蛋都煮得好嫩滑，夾起嘅時候有拉絲效果，非常適合打卡📸除咗有香濃嘅入口蛋味，仲有芝士嘅鹹香味和泡菜辣味，互相唔會搶咗味道，食落有蛋香之餘又有芝士和泡菜味，一次滿足晒🤤