三分熟.菊志

知道我朋友喜歡食日本菜，呢間位於北角馬寶道嘅日本鐵板燒人氣甚高，聽講平日每晚都幾乎滿座，所以今日特意帶她早點來試菜。今晚我哋叫咗兩個鐵板餐，每位$788，另外我朋友重開咗一支sake，呢支酒一啲都唔貴，而且好有米香味，絕對抵飲。➰先付Apetitizer雜菜沙律夠鮮嫰爽脆，配合陳醋和芝麻醬，胃口大開。➰ 茶碗蒸呢碗茶碗蒸夠晒熱辣辣，蛋羹上面鋪滿晒一條條嘅蟹肉絲，蟹肉夠鮮甜而且口感非常滑嫩。➰ 高知炙烤鰹魚用炙烤的方式使到鰹魚增添咗獨特嘅煙薰風味，而魚肉又能保持到細膩，配合埋黑蒜油和醋煮成嘅醬汁，口感夠曬清新。➰ 香煎帶子呢碟香煎帶子有兩款醬汁，一邊係枝豆醬，另一邊係羅勒醬，而帶子煎到外面微焦脆，而內部又能保持嫩滑嘅口感。➰ 虎蝦師傅用牛油把大虎蝦煎到好香口，而蝦肉夠晒鮮甜味美，醬汁方面就用咗牛油和蝦膏煮成，更能突顯蝦嘅鮮味。➰ 鐵板香煎鵝肝師傅把鵝肝煎到外焦里嫩，口感細膩，更用用上蘋果和焦糖做配菜，令到整個口感甜甜哋，更能中和鵝肝嘅膩感。➰ 和牛薄燒師傅把薄片和牛肉卷埋蔥再煎香，令到口感層次更豐富，味道夠香濃。➰清酒煮蜆湯清酒煮制更能凸顯蜆肉嘅鮮甜味，配合埋濃郁清酒嘅酒香，真係好好味。