獨 ‧ 火鍋撚 (已結業)

同朋友去金雞商場買完野,用OPENRICE搵到呢間係白布街既黃店,即刻去支持下先啦!總共有三人個餐,梅曲菊,平至貴,睇自己己鍾意食海鮮就可以揀菊,唔食牛既朋友就可以揀梅湯底就有沙嗲,麻辣,白湯同老火湯,我就揀左沙嗲,朋友揀左白湯!一如以往,量完體溫,潔完手後入座,餐廳仲好好係門口有口罩袋提供,碗筷都係一次性,夠哂衛生!各類醬油樽外身清潔,唔會拎一手就痴立立別具特式的煲,加高既煲蓋把手,就算煲滾左,拎上手都唔熱"蘭"套餐既配菜:"極品安格斯肥牛滑雞手工餃子"真的,牛高質,肥瘦適中,新鮮,賣相,入口都係高質!滑雞當然都係滑,手工餃子有咬口,用料十足!另外追加既黑松露墨魚滑,黑松露味道極濃,墨魚滑彈牙爽口,高質!追加食物點小得黑豚肉,一睇就知高質,D色水幾靚!追加既即炸三炒炸響鈴,快上快落,入口香脆!套餐既極品安格斯肥牛真係無改名,十分高質!就連湯底既豆腐都用上蜂巢豆腐湯底仲有鴨血,真係意想不到!湯底真係超足料!飲品都極具特色.左邊係朋友點既腐竹雞蛋糖水沙冰,入口係香甜既腐竹雞蛋糖水味道,唔會太甜,唔會太淡!右邊係冬瓜檸檬沙冰,夏天消暑,打邊爐邊食邊飲一流!