熊拉麵 (白加士街)

營業中

休息中

Irassyaimase~ 一入門口，即使你冇打算望店員既面貌，但一句熟悉既日文從所有店員口中連珠炮發傳入耳仔，呢一聲已經係賣點──由日本引入既禮貌，彷彿真係好似去左日本本土拉麵店咁。自己落單，或者就係呢間拉麵店另一特色，不論麵既粗幼、硬度定係配料，都可以自己控制 隔左陣，一碗全黑連碟既拉麵就到啦!!!名符其實既黑熊拉麵，真係黑過密豆。呢到既拉麵唔似市面某d拉麵店，好黃好重鹼水。食起黎其實都唔係好重口味，或者係我自己鍾意食蒜野，所以覺得呢個湯底唔夠重味。簡單黎講可以用出前一丁個黑蒜味作比喻，但當然口感一定唔會覺得好重油味或者油膩，而且味道好自然。拉麵出名唔單止係佢個湯底，溫泉蛋一樣重要，可惜黑熊拉麵係唔包，要自行追加。講真，呢到隻溫泉蛋真係冇得輸：佢個蛋黃真係介乎差d凝固，又係想流出黎之間。佢點止咁簡單，講到明秘制，味道上實有分別。由最出最接近蛋殼既蛋白，至到最貼近蛋黃既蛋白，都充滿咸咸地既醬油味，食完真係有衝動叫多幾隻。