榮記粉麵

營業中

休息中

銅鑼灣有2間榮記，我自己就食開糖街果間，覺得好味d，但同時這間總是要排隊的。今日星期六，中午12點幾，排左5分鐘就有位。雖然職員講野比較大聲，但其實幾細心，見我拎住個大袋，主動拎多張椅俾我擺。榮記環境的確是一般，店裡很擠迫，幾乎都要和陌生人搭枱。撇開環境和衛生的問題，榮記是我最愛的車仔麵，因為配料同腩汁湯底真係無敵！豬紅墨魚頭米線（$35）最愛的配搭係豬紅+墨魚頭！記住一定要加腩汁！墨魚頭爽口唔韌，而且好少車仔麵店有墨魚頭揀。榮記嘅豬紅口感真係好特別，入口好似豆腐花咁滑，係其他地方真係食唔到！真心推介！