影片
更多
2015-06-01
864 瀏覽
飄來榴槤之香～正！雖然好多人都未必啱食，但作為榴槤愛好姐，齋聽榴槤二字就已經好瘋狂！元朗有間貓山皇～初初聽個名以為係齋啪榴槤，哈哈哈～唔好意思，俾多年前本雜誌荼薰咗😅。返番嚟貓山皇，甜品小店細細間，大約容納到二十人左右，可能係因為地方細，所以榴槤軟雪糕只限外賣，但其實33蚊都唔算平啦，不過站於老細個角度，佢都有難處嘅～冇所謂啦!二人行，可以揀多款一齊試，我哋揀左夢幻榴槤雪糕、榴槤脆皮夾餅同榴槤糯米糍⋯原本打算試埋個奶昔，但好似誇張咗啲⋯咁就試住三個甜品先啦～夢幻榴槤雪糕—即叫即整，開放式櫥窗一覽無遺～隔咗一陣，雪糕就帶煙咁飄咗埋嚟！真係好夢幻呀，改名改得好！雪糕質感幼滑，好香嘅榴槤味，好正！仲有啲芒果珠珠伴襯，多重味覺感受，味道好夾！真係外在同內在都咁美!榴槤糯米糍—呢個就反而普通咗啲啲，糯米皮做得煙韌，但略嫌份量太細，$40蚊兩粒就貴咗啲！呢個唔抵食，但榴槤餡係好食嘅，但又略嫌未完全解冰，仲有冰狀口感。榴槤脆皮夾餅—呢個真係正到冇朋友！夾餅係即時整，所以口感真係脆！榴槤餡勁多！每一啖都係榴槤滋味，好香好濃！抵食+++今次就食住咁多先，下次要試埋個班戟同奶昔！榴槤榴槤我愛榴槤！款式唔使
元朗有間貓山皇～初初聽個名以為係齋啪榴槤，哈哈哈～唔好意思，俾多年前本雜誌荼薰咗😅。返番嚟貓山皇，甜品小店細細間，大約容納到二十人左右，可能係因為地方細，所以榴槤軟雪糕只限外賣，但其實33蚊都唔算平啦，不過站於老細個角度，佢都有難處嘅～冇所謂啦!
二人行，可以揀多款一齊試，我哋揀左夢幻榴槤雪糕、榴槤脆皮夾餅同榴槤糯米糍⋯原本打算試埋個奶昔，但好似誇張咗啲⋯咁就試住三個甜品先啦～
夢幻榴槤雪糕—即叫即整，開放式櫥窗一覽無遺～隔咗一陣，雪糕就帶煙咁飄咗埋嚟！真係好夢幻呀，改名改得好！雪糕質感幼滑，好香嘅榴槤味，好正！仲有啲芒果珠珠伴襯，多重味覺感受，味道好夾！真係外在同內在都咁美!
榴槤糯米糍—呢個就反而普通咗啲啲，糯米皮做得煙韌，但略嫌份量太細，$40蚊兩粒就貴咗啲！呢個唔抵食，但榴槤餡係好食嘅，但又略嫌未完全解冰，仲有冰狀口感。
榴槤脆皮夾餅—呢個真係正到冇朋友！夾餅係即時整，所以口感真係脆！榴槤餡勁多！每一啖都係榴槤滋味，好香好濃！抵食+++
今次就食住咁多先，下次要試埋個班戟同奶昔！榴槤榴槤我愛榴槤！款式唔使多，最緊要係榴槤那獨有嘅香氣，每一啖嘅滋味！真材實料最重要！
店內有個員工工作位要讚讚，做成一個貨櫃門一樣！好特別！好有風格嘅設計，感覺一櫃櫃嘅榴槤新鮮入口，一開櫃門就品嚐到！
張貼
