嚐冰

營業中

休息中

葵涌廣場（葵廣）掃完小食，緊係食埋甜品先啦。呢間［嚐冰］吸引到我地，就係個榴槤甜品同芒果甜品。除左有甜品之外，仲有雪花冰/刨冰，以及椰奶特飲，全部都岩哂夏天食，食完透心涼，好爽。可以即場食，亦可以外賣回家。我覺得抵食，係因為佢用料十足，同埋個碗同份量都比較大，可以2碗夠3-4人食。榴槤芒返 $45D24榴槤肉有2球，香滑榴槤味濃郁，加入芒果同椰子嘅甜品，味道都好夾。芒果肉幾多，同樣香甜富果香，加上大粒西米增加咬口，仲有滑溜溜嘅椰子河粉，一啜入口，有椰奶香，味道同口感都豐富。楊枝甘露 $38有好多香甜芒果肉，加左西米同紅柚肉，好好咬，紅柚又多汁，味道酸中帶甜，食完唔膩，好岩夏天食。睇相就知好多料，性價比高。