樂天皇朝 (已結業)

好耐無專登約屋企人去街食飯啦，今次見大家都得閒，約好咗出尖沙咀食飯，但原來平日晚上尖沙咀真係好多人呀，所以就去咗加拿芬廣場二樓到食樂天皇朝，因為地理位置好方便，唔洗周圍搵路！餐廳地方夠哂大，所以早啲去都唔洗排隊，去到就有位食飯啦！今次係為咗佢地嘅招牌菜 - 皇朝小籠包！八隻顏色～ 八種口味～ 我個人最鐘意橙色 - 蟹粉小籠包！濃烈嘅鮮甜蟹味。之後又點咗個蟹粉豆腐，豆腐好滑，加埋蟹粉撈埋一齊，送飯一流。之後點了一碟醉雞，雞肉好嫩滑，估唔到佢酒味超濃。主食仲點咗鮮蝦雲吞拉麵，上海拉麵好幼而且有咬口，雲吞雖然唔似港式咁大粒，但依家有好香嘅蝦肉。l