八居酒屋 (旺角新城)

營業中

休息中

今日同媽咪去到旺角新城嘅樓上鋪食日本嘢。呢度嘅空間望落都闊落，坐得都幾舒服。先黎叫左燒銀鱈魚乾，薄簿脆脆咁，點埋沙律醬食，愈食愈開胃。跟住黎左個蟹籽沙律，青瓜爽脆，正常發揮。之後就係仙台厚燒牛舌，原本啲牛舌應該係醃咗，所以好入味，食到佢落左蜜糖同黑椒去煮，味道偏濃，配搭埋芥末籽又幾夾，佢仲有配埋「仙台漬」，姐係自家醃嘅菜同青瓜，酸得黎又唔會喇喉，中和左牛舌嘅濃味。最欣賞就係牛舌夠淋，難怪係店員推介啦。芝士玉子燒，蛋味好重。海膽炒飯嘅海膽都新鮮，味道鮮甜，不過我覺得個飯可以炒得再乾身啲，好彩佢有紅蘿蔔粒粒充撐下個口感，整體黎講都ok兩個人叫咗五樣嘢，連埋加一都係四百幾，價錢合理，佢仲做緊個推廣：有得玩夾公仔機，我哋兩個人嚟食就有兩次嘅公仔機會，夾到啲有分嘅波波就有得換嘢食，不過我哋夾公仔嘅技術有待改進，希望下次黎嘅時間夾到啦。