Hugo Le Resto Grill (已結業)

又熱又焗嘅天氣，食野都想搵個舒服啲嘅地方，唔想同人逼，今日嚟左位於銅鑼灣嘅一間樓上餐廳，環境同座位都令人坐得非常舒服。-叫左兩個set lunch，一個大蝦青口蕃茄蓉意大利粉，另一個set叫左美國頂級牛板腱扒。餐廳最特別係有自助沙律吧，有大約十種材料選擇，仲有四，五種醬料可以加。可以根據個人喜好揀食材，最正係有煙肉碎同麵包粒，十分滿意！之後上嘅係餐湯同蒜蓉包，今日餐湯係番茄湯，味道清新，蕃茄味濃郁。蒜蓉包一啲都唔求其，每一口都食到香濃蒜蓉味！主菜大蝦青口蕃茄蓉意大利粉，今次嘅蕃茄醬比剛才嘅蕃茄湯更多層次，加上洋蔥，蒜蓉等配料同大蝦，青口嘅海鮮，愛蕃茄人士一定會愛上佢！另一主菜美國頂級牛板腱扒，叫嘅係五成熟，廚房煎得剛好，肉質鮮嫩，配上惹味醬汁，很不錯。而薯條鮮炸，香脆好吃。-野飲叫左一杯熱latte，一杯凍奶茶，整體都有水準，必定再來！