影片
更多
2017-05-27
366 瀏覽
唔知大家鍾唔鍾意玩密室呢？我家M佬就係一個密室迷，佢話能夠帶住心愛嘅人離開密室係一件好man嘅事，但我心諗，首先係你帶我入密室先㗎！之但係，每次玩完密室，喺旺角搵嘢食就係一大難題。大家都知啦，我A姐最怕就係人多車多，左邊又有人食煙，右邊又有人拎住滴緊汁嘅魚蛋，真係好Scary！不過，今日M佬早有準備，佢特登搵咗間舒舒服服嘅上樓西餐 — 吃吧Chiba，帶我去Chill Out喎！吃吧Chiba位於旺角嘅樓上餐廳，門口已經有隻大匙羹同叉，入到去仲有好多手工啤酒嘅擺設，而且餐廳嘅裝修時尚，燈光又唔會太暗，坐得都算舒服，第一感覺都唔錯呀！香炸海鮮拼盤：頭盤先嚟個香炸海鮮拼盤，有蝦、蟹拑、蟹餅同蠔，真係啱晒佐酒！炸粉好薄，加上係即叫即炸，所以好鬆脆！驚喜在於各海鮮無雪味，如果怕熱氣，可以加埋旁邊嘅沙律醬同沙律菜一齊食，罪惡感大大減低！蘋果木煙薰西班牙豬扒：上枱時慢慢拎起個蓋，等煙慢慢散開，都幾有feel㗎！呢道菜嘅頂層係蘋果粒，底層就係西班牙豬扒，仲有唔同嘅配菜，包括：車厘茄、蘆荀、薯仔蓉及紅菜頭蓉，淨係嗰賣相都贏晒！經過煙薰嘅西班牙豬扒，好豐富嘅蘋果香呀，而西班牙豬扒煮到八成熟再用蘋果木煙薰
吃吧Chiba位於旺角嘅樓上餐廳，門口已經有隻大匙羹同叉，入到去仲有好多手工啤酒嘅擺設，而且餐廳嘅裝修時尚，燈光又唔會太暗，坐得都算舒服，第一感覺都唔錯呀！
香炸海鮮拼盤：頭盤先嚟個香炸海鮮拼盤，有蝦、蟹拑、蟹餅同蠔，真係啱晒佐酒！炸粉好薄，加上係即叫即炸，所以好鬆脆！驚喜在於各海鮮無雪味，如果怕熱氣，可以加埋旁邊嘅沙律醬同沙律菜一齊食，罪惡感大大減低！
香炸海鮮拼盤
55 瀏覽
0 讚好
0 留言
香炸海鮮拼盤
65 瀏覽
0 讚好
0 留言
蘋果木煙薰西班牙豬扒：上枱時慢慢拎起個蓋，等煙慢慢散開，都幾有feel㗎！呢道菜嘅頂層係蘋果粒，底層就係西班牙豬扒，仲有唔同嘅配菜，包括：車厘茄、蘆荀、薯仔蓉及紅菜頭蓉，淨係嗰賣相都贏晒！經過煙薰嘅西班牙豬扒，好豐富嘅蘋果香呀，而西班牙豬扒煮到八成熟再用蘋果木煙薰，肉質鮮嫩多汁，好好味呀！
蘋果木煙薰西班牙豬扒
85 瀏覽
0 讚好
0 留言
慢煮牛柳：用平均75攝氏度慢煮而成，牛柳中心呈現嫩紅色，生熟程度啱啱好，牛肉唔會太老太嚡口，肉質完全不韌，好鮮嫩，好Juicy㗎！
慢煮牛柳
65 瀏覽
0 讚好
0 留言
慢煮牛柳
56 瀏覽
0 讚好
0 留言
Kwak：酒味濃郁，仲有淡淡嘅甘草糖香同焦糖嘅香味，苦甘後就會有好香甜嘅味道。M佬話好鍾意喇！
Kwak
56 瀏覽
0 讚好
0 留言
芒果沙冰：天氣開始熱，我A姐就決定飲啲熱帶果味嘅沙冰涼透心！芒果味好香濃，解渴一流！
芒果沙冰
65 瀏覽
0 讚好
0 留言
張貼
