串燒咖啡 (已結業)

今日同同事去左公司附近商業中心bbq cafe到食lunch，環境舒適，食物質素唔錯，價錢都合理，所以間中都會黎食下，可以慢慢食一邊傾下閑計，食物款式又多！叫左班尼卡邦尼意粉，賣相已經覺得好靚好吸引，意粉上鋪上煮得靚靚半生熟既流心蛋，撈埋一齊食意粉口感更加滑漏，配上好足夠既卡邦尼醬汁，濃濃既芝士香味，加埋配料好多既煙肉同野菌，食落好juicy好夠味，份量都算多夠晒我地兩個食！小食拼盤，熱辣辣既薯條同麥樂雞都炸得好金黃香脆，薯條食落脆卜卜，麥樂雞好夠熱，配埋茄汁一齊食仲好味，雞翼煎得好靚仔，處理得好好完全冇雪藏味，鹹鹹地幾好味，伴碟仲有d沙律菜，乾淨新鮮撈埋沙律醬一齊食，健康又好味！