Bread and Bistro (已結業)

星期六日都要反工，當然要食餐好的lunch 黎慰勞一下自己。首先，見個menu 樣樣都咁好食，老實說我真係諗左好耐，先決定到食咩。我同朋友分別叫左BBQ 手撕豬肉漢堡同牛油果蟹肉冷麵。我個漢堡超好味，個BBQ 醬一流。仲有佢的配菜都好好味。而且，分量超大份，食完飽足全日。不過，美中不足係個豬肉有少少鞋。不過，完全可以接受。我都有試朋友個冷麵，都好好食。牛油果同個蟹肉好match ，而且蟹肉新鮮好味。喜歡食牛油果的朋友可以一試。而且職員服務質素一流，有禮貌。下次可以再黎，試我無叫到的日式咖哩流心芝士豬扒飯。佢的咖啡都不錯，食飽飽，滿足反去公司努力工作。