峰壽司魚屋

營業中

休息中

峰壽司就大家都唔陌生，去荃灣廣場買貓糧，所以順便食埋飯。如果你話餐廳環境其實就冇咩特別嘅，不過咁啱安排坐在窗口邊，咁就比較舒服。全晚叫嘅所有嘢基本上都非常滿意，印象最深刻係柚子醬墨魚壽司，柚子味道好清新，配上黏口嘅墨魚感覺好清爽！其他三文魚呀立魚，全部都好新鮮，所以非常好！特別要讚吓個南瓜天婦羅，每一件都差唔多手掌咁大，仲要係啱啱炸好熱辣辣脆卜卜。唯獨是燒墨魚就真係麻麻，一來上枱嘅時候已經凍冰冰，而且一啲都唔乾身，成碟嘢出水，不過都放得入口，下次就唔會再叫。