鮨玥 (已結業)

放工去鯉景灣搵食好chill! 鍾意呢一帶餐廳多選擇。今日揀咗食日本野～好想食壽司刺身🥰 先叫左鱈魚干，當然唔少得叫返杯啤酒🍺好爽！睇中咗個本鮪壽司盛，吞拿魚愛好者必叫。拖羅好好味，色澤靚，好新鮮，滿口魚油大滿足！宜家仲回味中！再叫咗個刺身飯一齊食！北海丼食到停唔到，海膽鮮甜，三文魚籽同吞拿魚蓉撈飯超正！帶子勁大粒，厚肉又甜！蝦無得頂，鮮甜爽口！仲要有埋鮑魚、多款魚刺身，啖啖飯都有刺身呀！是日新鮮推介有池魚王刺身！有15片，刀功切到薄薄又靚靚，鮮味無比！燒物叫咗3款。甜甜玉子燒、西京燒平目魚同埋牛舌。燒物有水準！西京燒平目魚好好味；牛舌燒完好香，薄切易咬。