Verde MAR (已結業)

當初想食呢個餐廳係因為佢門口嘅裝修都幾特別，牆身係以樹林為主題，然後有隻樹懶仔咁。只係冇諗過佢哋嘅員工都係同樹懶一樣，見到人入嚟都懶得招待，同我講多句嘢都好似嘥氣咁，可能係佢哋嘅特色啦。不過無可否認佢哋嘅嘢食係幾好食嘅。⚜️Birria Beef Stew 佢個汁係真係煮得好好，好濃嘅味道，感覺有啲似食緊紅酒煮牛肉咁樣，食之前會將一啲配料香草洋蔥等等同埋墨西哥米放落去嗰個湯到，識落就好有口感。啲飯索晒啲汁真係罪惡感超強啊，但好食就當然食咗先算啦。⚜️Fried Chicken 炸雞偏就一般啦因為有啲感覺似煮過咗，有啲乾，但係勝在夠香口嘅，一共有5隻，可以配埋茄汁一齊食。⚜️Quesadilla 呢一個呢就好似雞肉薄餅咁樣嘅，佢裏面有好多配料，當中我最鍾意嘅就係牛油果啦，好creamy,加埋香草洋蔥等等，仲有鮮嫩嘅雞肉。⚜️Avocado smoothie 呢個係我平時最鍾意飲嘅牛油果奶昔，因為牛油果可以幫助減肥呀嘛🤟加上佢係新鮮即刻打出嚟，口感一流，超香濃。⚜️Chocolate ice 呢個係墨西哥版嘅朱古力，都係好香朱古力嘅味道，不過佢另外仲落咗一啲香料，所以我諗未必每個人都會鍾意嘅。