Accro Coffee (已搬遷) 新店位置

一直希望搵到間可以常去嘅咖啡小店，悠閒地呷杯咖啡，看看書，睇下戲，眾裡尋他千百度，終於遇到呢間位於朗屏嘅Accro Coffee。 小店樓高兩層，座位算多，雖然客人眾多，但都唔使等位等好耐，呢日四點幾黎到，六點左右D人開始散，可以一直坐到七點幾。我叫咗橙皮Mocha ，非常香濃，咖啡味同朱古力味互相配合，唔會其中一種味太搶。最特別係，每口Mocha餘韻都有橙香味，幾清新。除咗咖啡，小店仲有提供小食同甜品，呢日叫咗雞肉芝士Panini，麵包混合咗番茄定甘荀去整，有少少甜味，幾好食，但雞肉無乜雞味，整體個包味道無咩層次，最出係芝士味。另外，見到唔少人叫咗甜品，下次有機會會試下。