漢堡王 (已結業)

山長水遠入機場做嘢！順便食埋午飯！！T2大樓有好多食店，food court都好多選擇！每一個人都會揀到自己鍾意嘅菜式！ 我今日唔太肚餓，所以食個漢堡！burger king漢堡一向有水準！叫了：芝士蘑菇華堡餐：落單一條隊，落好單排另一條隊取食物！店員都好爽手！漢堡即叫即做！所以要等5分鐘左右！取好餐坐低！個包熱辣辣！芝士已經溶晒！變咗芝士醬包住兩塊牛肉！牛肉唔乾，有少許肉汁！蘑菇片份量多，煙煙韌韌，配鬆軟麵包！好好味！唯一係個漢堡尺寸較細，男仔應該唔夠飽！薯條粗身！外面少脆裡面軟！所以唔夠脆口！可以話無咁熱氣！一杯汽水正常！Foodcourt地方大，好易搵位，桌椅乾淨！有阿姐好勤快咁收拾！不過今日落大雨，我坐花糟對開！見到屋頂漏水！好在位置正好在花糟頂！無淋濕（唔知以為自動灑水系統！)機場廁所夠大又清潔企理！good!