富山居 (裝修中)

《富山居》嚟到大元街市美食廣場嘅富山居居酒屋，未入門口就俾餐廳門外嘅一撮櫻花報佈置吸引，望真啲原來係一棵別緻嘅許願樹嚟架。入到餐廳就望到一大幅櫻花風景畫，非常搶眼。另外仲有唔少東瀛風格嘅佈置，非常有心思。店內卡位多，仲要係好舒服寬敞嘅梳化位，每枱之間都好闊落，餐廳出面仲有啲户外位， 秋涼嘅話同frd 嘆下啤酒都幾chill！🍭清酒煮大蜆($68)湯底加咗少少辣椒調味，辣辣地，幾特別。食哂成碟，一粒沙都冇，好難得呢！🍭雞軟骨串($28)🍭京蔥雞串($30)串燒一上枱就聞到好香，原來呢個價錢已經係包兩串，性價比高有驚喜！雞軟骨大大粒，京蔥雞串份量都唔細，京蔥燒得好香，仲食到一絲絲嘅質感！ 🍭西京燒比目魚($128)係我同朋友今餐最鍾意嘅菜式， 西京燒汁醃得岩岩好。魚嘅肉質細嫩， 個人覺得係今晚嘅MVP！🍭網燒安格斯牛扒($128)牛扒燒得好juicy, 份量亦比想像中多， 差唔多有成十塊。牛排邊位有少少肥，雖然有啲邪惡，但真係難以抗拒，食到牛脂嘅味道。店員推介要點埋個特式芥末醬，味道偏向柔和唔會太濃，唔會嗆喉，唔錯。