影片
更多
2024-07-08
498 瀏覽
兩個人即興入西貢諗住舒舒服服食個晚餐，見到主打龍蝦主題餐廳所以就試試佢。👨🏻門口一位男士好nice咁介紹門口啲餐牌有$168龍蝦三道菜、有主菜買二送一前菜、有好靚嘅新鮮生蠔買四送一等等啦⋯⋯入到去坐低飲杯水，👩🏼🦳有位女士就俾餐牌我哋睇，但係就冇頭先門口介紹嘅餐，所以要問先會再俾你睇，同埋不斷強調食材新鮮好好味。👩🏼🦳俾嘅餐牌都係啲冇標明價錢嘅菜式，又或者係二人晚餐$688、$788等。咁由於唔係咩特別日子就唔需要食咁貴嘅套餐啦，何況第一次食，要試過先。👦🏻我👩🏻朋友👦🏻：揀住先，我洗手間。（一起身，望到枱面已經有隻小昆蟲，西貢有昆蟲仔唔出奇，潑走佢囉。行多幾步，去廁所嘅走廊上有隻活生生大🪳，冇錯係活生生有翼嘅大曱甴係地典下典下。我就嚇一跳啦，Bar枱男士👴🏽見況好快就清走咗🙂）👦🏻：頭先有好大隻曱甴🪳啊，嚇死我。你揀好嘢食未？👩🏻：我地試吓頭先門口介紹嘅$168龍蝦三道菜啦，啲食物相都幾吸引，意粉有龍蝦頭係到好似幾好。👦🏻：好呀，落嗌住先。於是向👩🏼🦳落單👩🏼🦳：好，龍蝦三道菜，跟住呢？👦🏻：我哋落住先，其他仲揀緊唔該👩🏼🦳：$168餐兩個人只可嗌一份，通知聲你👦🏻👩🏻：。
👨🏻門口一位男士好nice咁介紹門口啲餐牌
有$168龍蝦三道菜、有主菜買二送一前菜、有好靚嘅新鮮生蠔買四送一等等啦⋯⋯
入到去坐低飲杯水，👩🏼🦳有位女士就俾餐牌我哋睇，但係就冇頭先門口介紹嘅餐，所以要問先會再俾你睇，同埋不斷強調食材新鮮好好味。👩🏼🦳俾嘅餐牌都係啲冇標明價錢嘅菜式，又或者係二人晚餐$688、$788等。咁由於唔係咩特別日子就唔需要食咁貴嘅套餐啦，何況第一次食，要試過先。
👦🏻我👩🏻朋友
👦🏻：揀住先，我洗手間。
（一起身，望到枱面已經有隻小昆蟲，西貢有昆蟲仔唔出奇，潑走佢囉。行多幾步，去廁所嘅走廊上有隻活生生大🪳，冇錯係活生生有翼嘅大曱甴係地典下典下。我就嚇一跳啦，Bar枱男士👴🏽見況好快就清走咗🙂）
👦🏻：頭先有好大隻曱甴🪳啊，嚇死我。你揀好嘢食未？
👩🏻：我地試吓頭先門口介紹嘅$168龍蝦三道菜啦，啲食物相都幾吸引，意粉有龍蝦頭係到好似幾好。
👦🏻：好呀，落嗌住先。於是向👩🏼🦳落單
👩🏼🦳：好，龍蝦三道菜，跟住呢？
👦🏻：我哋落住先，其他仲揀緊唔該
👩🏼🦳：$168餐兩個人只可嗌一份，通知聲你
👦🏻👩🏻：。。。。。。
然後見到買二主菜送一前菜嘅餐牌上有樣煎鱈魚扒想試，於是乎就想嗌一個餐試試
👦🏻：唔該想嗌多份煎鱈魚扒
👴🏽：仲有呢？呢個餐牌係嗌兩份主菜送一份前菜
👦🏻：我唔需要送前菜啦，因為先前嗌咗份$168龍蝦三道菜，單嗌一份可唔可以？
👴🏽：梗係唔得啦，呢個餐牌做緊優惠架嘛，一定叫揀兩個
👦🏻：咁我哋再揀下先
👦🏻👩🏻：點算呀，再嗌兩份主菜一定食唔晒喎，其他選項又冇乜興趣（煎鱈魚扒已經$2x8）
👩🏻：唔緊要啦，再睇下有冇其他可以散叫（再睇咗陣餐牌都係揀唔落手）
👩🏼🦳：（見我哋未嗌第二個餐就自動走埋嚟）
👩🏼🦳：揀唔揀到呀，我哋xxxxx都好好食架
👦🏻：。。。。。。
👩🏼🦳：嗱我哋計人頭，你哋最少都要嗌多個pizza（佢高音兼且語氣不佳地講低呢句就走開咗。
然後👴🏽開心上$168龍蝦三道菜
👦🏻👩🏻：。。。。。。哇，個蘋果沙律啲蘋果好好刀工，薄片又透光。
👦🏻：呢啲龍蝦嚟架？長條狀紅白色咁似蟹柳嘅？😂
👩🏻：🤣🤣🤣佢呢三片蘋果加埋先等如我平時食蘋果嘅1/4舊
👦🏻：👩🏼🦳岩岩咁講咩意思？係咪我哋揀唔到第二個餸就會按人頭收返我哋一份pizza錢？
👩🏻：聽落就係要我哋點都嗌多啲嘢食啦。
👦🏻：吓，咁咪即係想逼我地食，我揀到又唔俾單嗌，係都要人地叫多兩道主菜，咁冇彈性，依家仲俾說話我哋聽，嚇我哋唔嗌多樣就跟人頭收。。。。。。佢咁嘅態度我已經唔想嗌
跟住龍蝦春卷嚟啦，試試先
👦🏻：啲龍蝦係邊度呀？我咬開一半都搵唔到，又冇龍蝦味🤨好彩有醬沾下冇咁dry
（由於好肚餓擺盤亦不吸引我哋影相，所以沙律同春卷冇影相）
👦🏻：龍蝦意粉呀，試咗龍蝦先。。。。。。龍蝦肉有碎殼嘅，又冇龍蝦味🌚，試埋啲意粉，有渣嘅，啲汁唔咸唔淡咁得啲花味。
👩🏻：我都覺，好難食
👦🏻：唔好食了，埋單啦，費事人地再俾說話我哋聽，我哋又嗌咁少。
👩🏻：佢唔係話要最少要嗌多個pizza咩，如果唔係收多份人頭費喎。
👦🏻：唔好咁痴線啦，門口招生意個個都冇講，入到嚟住低都冇講，我睇勻晒啲餐牌都冇寫最低消費架，唔使驚喎，冇得逼人落單。
👦🏻：埋單唔該
👴🏽：我地最少要嗌兩個餐（堅持
👦🏻：吓！我入門口你冇講喎，我唔會俾咩按人頭收費
最後👩🏼🦳出聲講算啦！
佢哋先放棄追收呢份人頭pizza$
總結：勇者們有預算先好去食呀，想坐低飲杯啤酒應該冇乜可能，見你嗌得咁平就主動俾說話人聽，仲嚇人按人頭，原來做生意靠嚇。可一不可再☺️
龍蝦三道菜
$168
13 瀏覽
0 讚好
0 留言
張貼
