影片
更多
2019-06-06
28 瀏覽
之前喺日本食過浜燒海鮮後一直念念不忘，特登喺香港搵下有冇熟悉嘅味道。見到呢間漁獲浜燒有咁多好評一於試試佢。雖然餐廳主打浜燒，但經理落力推介菜單上嘅其他種類，所以當晚除左浜燒以外我地仲叫左前菜、燒物、甜品等等。沖繩風沙律 $138好大份好足料，除左常見嘅海葡萄、苦瓜、蕃茄仔、沙律菜等，仲加入左切條嘅魚生，配埋酸酸甜甜嘅醬汁，食落清新，口感亦非常豐富。刺身盛合(5款) $428魚生夠厚身，口感豐腴鮮美；海膽鮮甜，可以配埋紫菜黎食，不過個人偏好就單獨食海膽，最原汁原味；牡丹蝦好大隻，爽滑彈牙。燒喜之次 $880難得見到有喜之次，雖然貴左少少，但都叫黎試下，因為比較唔常見。醬汁偏甜，係日式燒汁嘅味道，條魚好大條，成身都俾醬汁覆蓋住，翻開裡面先見到雪白嘅魚肉，配稍甜嘅燒汁食好惹味。終於黎到我最期待嘅浜燒環節，店員會埋枱幫你燒，期間會加清酒同高湯，一邊燒D香味一邊傳出。時令活蠔 $136/2隻超。級。大。隻！店員會問你想要生D定熟D，我地要求唔好燒得咁熟，入口保留左部分生蠔嘅順滑口感，但味道就多左一重燒烤過嘅香味，非常滿足。白貝 $108/4隻上碟時店員會幫你剪走一邊殼，等你容易D食，好貼心。D白
雖然餐廳主打浜燒，但經理落力推介菜單上嘅其他種類，所以當晚除左浜燒以外我地仲叫左前菜、燒物、甜品等等。
沖繩風沙律 $138
好大份好足料，除左常見嘅海葡萄、苦瓜、蕃茄仔、沙律菜等，仲加入左切條嘅魚生，配埋酸酸甜甜嘅醬汁，食落清新，口感亦非常豐富。
刺身盛合(5款) $428
魚生夠厚身，口感豐腴鮮美；海膽鮮甜，可以配埋紫菜黎食，不過個人偏好就單獨食海膽，最原汁原味；牡丹蝦好大隻，爽滑彈牙。
燒喜之次 $880
難得見到有喜之次，雖然貴左少少，但都叫黎試下，因為比較唔常見。醬汁偏甜，係日式燒汁嘅味道，條魚好大條，成身都俾醬汁覆蓋住，翻開裡面先見到雪白嘅魚肉，配稍甜嘅燒汁食好惹味。
終於黎到我最期待嘅浜燒環節，店員會埋枱幫你燒，期間會加清酒同高湯，一邊燒D香味一邊傳出。
時令活蠔 $136/2隻
超。級。大。隻！店員會問你想要生D定熟D，我地要求唔好燒得咁熟，入口保留左部分生蠔嘅順滑口感，但味道就多左一重燒烤過嘅香味，非常滿足。
白貝 $108/4隻
上碟時店員會幫你剪走一邊殼，等你容易D食，好貼心。D白貝嘅肉都幾大粒，味道清甜，由於落左清酒同高湯，味道好似清酒煮蜆咁，但用燒嘅方法就令到佢更加入味。
椰子雪糕 $58
最後叫埋個椰子雪糕，用左個迷你版嘅椰子殼去裝，好特別，每一啖雪糕都有好濃郁嘅椰子味，似食緊椰子肉不過係綿密嘅雪糕質地。
張貼
