臨記車仔麵 (已結業)

哩間臨記車仔麵一試愛上。哩到除左基本車仔麵配料，仲有多款小食，令人花多眼亂，一星期黎食幾次都唔會重覆😊。另外地方夠大夠舒適，除左卡位，仲有大大張圓枱，一班朋友黎食都容易揾位。難怪周末午飯時段人龍咁長。車仔麵除左自由選擇配料外，哩到仲會有幾款套餐選擇，岩哂我哩啲選擇困難症既食客。今次揀左個全齋既「唐三藏」同全豬既「豬八戒」😂，個名改得好貼切。湯底或麵底都有得選擇，自由度好高。咖哩湯好香咖喱味，而且辣辣地幾開胃。相反小辣既麻辣湯冇咖啡湯咁辣，不過味道就清香啲。兩款湯底各有賣點，都好食。麵既份量超多，配料都好足料。一舊籮蔔有半隻手掌咁大。豬大腸清潔得好乾淨，可以放心食。招牌腩肉肥瘦適中，好好食。另外加隻溏心蛋，咬開裡面仲係結結地，口感漿住漿住，係一隻成功既溏心蛋😋😋。小食油炸鬼豬扒同孜然新疆雞翼都好正。豬扒皮炸得夠薄，肉質唔嚡口，夠鬆軟。雞翼上面沈滿左芝麻同味粉燒製，雞翼夠入味，非常惹味。哩到既油菜新鮮之餘都好健康，少油不肥膩。