九份•十分 (已結業)

講起台灣食物，食得最多嘅一定係滷肉飯同埋珍珠奶茶但係作為一間餐廳，如果來來去去只係得幾款食物，就唔夠新鮮感不過喺呢度食嘅台灣菜，款式同味道都有驚喜見餐牌上面嘅菜式都好多，小食主菜等等，分門別類，仲有一啲係加上台式風味嘅菜式蜜薯安格斯牛柳粒用上蜜糖去烹調嘅安格斯牛柳，除咗有牛肉嘅鮮味，仲有令人想食完再食嘅香甜味宜蘭車站火腩大鱔煲火腩本身已經係油脂豐富又香口嘅食物，配搭同樣肥美嘅鱔肉，既有肥肉嘅香味，又有鱔肉嘅肥美口感，呢個配搭幾有驚喜鹽酥三兄弟用咗魷魚鬚、雞軟骨同杏鮑菇去炸，共通點係三款食材本身已經好爽脆，再加上炸粉去炸，口感更豐富宜蘭蝦頭油蟹子炒飯炒飯粒粒分明，加上有蔬菜、海鮮等等，用料豐富， 連平日唔太添飯嘅屋企人都食咗兩碗先停口芒果軟殼蟹米紙卷原本諗住作為小食，份量唔會太多，點之一上枱就畀佢嘅氣勢嚇親好少見到咁大件嘅紙米卷，入面包住滿滿嘅蔬菜同軟殼蟹，口感十分好黑糖珍珠鮮奶、蜂蜜羅漢果餐後最滿足就係飲番杯甜甜哋嘅飲品，黑糖珍珠鮮奶唔會過甜，而羅漢果水反而有滿滿嘅蜜糖香甜味，兩款都非常好味道呢度嘅食物，無論係份量同質素都無可挑剔，如果同家人一齊嚟食飯絕對係抵食之選