石磨樂豆

營業中

休息中

今日經過呢間豆乳專門店，睇睇餐牌佢地有好多唔同款式嘅豆乳飲品，仲有熱飲供應,例如好立克味,即磨咖啡味同9 °微甜濃豆乳,最啱秋冬飲,佢地間唔中會出期間限定款,今期就係蝶豆花茉莉豆乳凍，所以叫咗黎試吓。呢間係新加坡品牌,有信心保證,係用嚴選A級加拿大黃豆，每日石磨鮮製，所以我叫幾款甜品同飲品試吓。蝶豆花芙茉莉豆乳涷份量都幾多，食落好香滑，好重豆味，碟豆花嘅顏色都幾靚，粉紫色，非常吸引。三色芋圓西米露d芋圓同西米都幾多，好足料，芋圓咬落煙煙韌韌，好有口感，而西米露食落唔太甜，好味。奶蓋芋泥小丸子d奶蓋都幾厚，好香奶味，而芋泥嘅香味好濃郁，唔算太甜，仲有煙韌嘅小丸子，口感好豐富。抹茶紅豆小丸子豆乳豆乳味勁香濃，好滑，抹茶味都幾特出，豆乳同抹茶mix一齊，勁夾，加埋紅豆同小丸子，勁正。