影片
更多
2023-07-27
247 瀏覽
之前一路都好想黎試呢間餐廳。今次我生日，朋友仔就帶咗我嚟呢間餐廳慶祝生日。首先嚟到個環境好又去咗歌劇院嘅氣氛，所有裝修，甚至佢哋用嘅餐具，都好靚。由於我哋第一次嚟，都唔知叫啲乜。所以個staff就建議我哋試吓佢哋嗰tasting menu。咁我哋就可以自己揀過main，其他嘢就佢幫我哋決定。當然我哋個main就揀咗佢哋最出名嘅車輪芝士pasta。一開始佢就上咗個應該係水牛芝士。呢個係一個前菜，因為有蕃茄嘅中和，所以佢個芝士入口唔會話好膩，啱晒嗰啲又好鍾意食芝士，又好驚好膩嘅人。跟住之後就嚟咗個，應該係生牛肉配tuna mayo。呢個都係前菜嚟嘅。佢個醬汁包住個牛肉同tuna mayo，味道好特別，好好味。但係佢個醬汁實在太多。建議大家食嘅時候可以拎起個醬汁。如果唔係會冚住牛肉同埋tuna mayo原來個味道。跟住嚟到我哋個重點，車輪芝士pasta。有專人係你面前整，入口熱辣辣溶咗嘅芝士包住pasta，好好味。但係之後食落會有啲膩。如果一大班朋友share，會比較好。跟住呢個係佢幫我哋揀嘅牛扒，超級好味。佢嘅生熟度剛剛好，跟住佢有個唔知乜嘢醬汁，襯托住牛扒。超好味。建議大家嚟到一定要試吓
首先嚟到個環境好又去咗歌劇院嘅氣氛，所有裝修，甚至佢哋用嘅餐具，都好靚。
由於我哋第一次嚟，都唔知叫啲乜。所以個staff就建議我哋試吓佢哋嗰tasting menu。咁我哋就可以自己揀過main，其他嘢就佢幫我哋決定。當然我哋個main就揀咗佢哋最出名嘅車輪芝士pasta。
一開始佢就上咗個應該係水牛芝士。呢個係一個前菜，因為有蕃茄嘅中和，所以佢個芝士入口唔會話好膩，啱晒嗰啲又好鍾意食芝士，又好驚好膩嘅人。
跟住之後就嚟咗個，應該係生牛肉配tuna mayo。呢個都係前菜嚟嘅。佢個醬汁包住個牛肉同tuna mayo，味道好特別，好好味。但係佢個醬汁實在太多。建議大家食嘅時候可以拎起個醬汁。如果唔係會冚住牛肉同埋tuna mayo原來個味道。
跟住嚟到我哋個重點，車輪芝士pasta。有專人係你面前整，入口熱辣辣溶咗嘅芝士包住pasta，好好味。但係之後食落會有啲膩。如果一大班朋友share，會比較好。
跟住呢個係佢幫我哋揀嘅牛扒，超級好味。佢嘅生熟度剛剛好，跟住佢有個唔知乜嘢醬汁，襯托住牛扒。超好味。建議大家嚟到一定要試吓！
最後，黎到甜品部份。係一個超巨型嘅Tiramisu。味道都好好。我唔係咁鍾意有啲tiramisu浸咖啡嘅時候，浸得太耐，會搞到蛋糕嘅部份好濕。但係呢個唔會有咁嘅感覺。
最後因為我個朋友仔經OpenRice book嘅時候，bookmark左係慶祝生日。但係可能餐廳唔記得咗。最後我哋同返佢講嘅時候，佢哋即刻補送咗個檸檬雪葩同我慶祝。但係有啲尷尬嘅係，佢呢間餐廳慶祝生日，會搵晒全間餐廳識法文嘅職員，同你唱法文嘅生日歌。記得當日佢哋至少起碼唱咗10次生日歌。😂
張貼
