影片
更多
2019-10-15
606 瀏覽
相信大家對「鼎爺」這個名字一定不會感到陌生，鼎爺憑烹飪節目而爆紅，廚神形象深入民心。早前從報章上得知，鼎爺近日又有新搞作，繼之前大受歡迎的「鼎爺私房菜」及「鼎．會館」後，最近在戲曲中心又開設另一新餐廳「鼎尚棋哥燒鵝湯館」。據聞這間新店是由兩大名廚攜手合作，主打鼎爺靚湯及棋哥燒鵝。「靚湯」和「燒味」都是香港最傳統的普羅大眾美食，依家可以一次過品嘗，實在令人期待，所以趁今日 Happy Friday，就同老公兩口子嚟體驗下。其實我今趟都係第一次嚟戲曲中心，原來這裡除了可以欣賞粵劇外，還有文化禮品店和多間特色餐廳，絕對是個影相打卡好去處。至於今次到訪的「鼎尚棋哥燒鵝湯館」，裝潢極富心思，設計大玩懷舊風，以深木色門面、通花摺閘、水磨石地磚，配以牆上的手繪壁畫、懷舊海報、復古算盤等，一派老香港情懷。餐牌設計以舊式日曆為靈感，充滿懷舊氣氛。細看價目，原來燒味飯同燉湯，定價都幾親民， 最平 $78 已經有交易。食客可單點，亦可以選套餐。我哋揀咗兩個燉湯、荔枝柴燒鵝飯、桂香切雞瀨粉、一碟脆皮燒腩仔同郊外油菜。燉湯揀咗最多人推介的椰皇燉嫩雞 ($138) 同杏汁花膠燉白肺。前者湯品以原個椰皇奉上，誠意十
據聞這間新店是由兩大名廚攜手合作，主打鼎爺靚湯及棋哥燒鵝。「靚湯」和「燒味」都是香港最傳統的普羅大眾美食，依家可以一次過品嘗，實在令人期待，所以趁今日 Happy Friday，就同老公兩口子嚟體驗下。
其實我今趟都係第一次嚟戲曲中心，原來這裡除了可以欣賞粵劇外，還有文化禮品店和多間特色餐廳，絕對是個影相打卡好去處。至於今次到訪的「鼎尚棋哥燒鵝湯館」，裝潢極富心思，設計大玩懷舊風，以深木色門面、通花摺閘、水磨石地磚，配以牆上的手繪壁畫、懷舊海報、復古算盤等，一派老香港情懷。
餐牌設計以舊式日曆為靈感，充滿懷舊氣氛。細看價目，原來燒味飯同燉湯，定價都幾親民， 最平 $78 已經有交易。食客可單點，亦可以選套餐。我哋揀咗兩個燉湯、荔枝柴燒鵝飯、桂香切雞瀨粉、一碟脆皮燒腩仔同郊外油菜。
燉湯揀咗最多人推介的椰皇燉嫩雞 ($138) 同杏汁花膠燉白肺。前者湯品以原個椰皇奉上，誠意十足。聽店員講，每盅湯都會用上兩個椰皇水的分量，再加上椰子肉、香茅、雞肉及椰漿等炮製。打開椰蓋時，陣陣椰香撲鼻，湯質濃稠，不用調味都已經很清甜。
至於另一客杏汁花膠燉白肺湯 ($108) 用料亦絕不欺場，內有南杏、花膠、白果等滋潤養顏材料，適合愛美的女士。呷一口湯，杏香馥郁，花膠軟腍得來又具咬口；而白肺亦處理得宜，絲毫不帶臊味，令人回味無窮。
荔枝柴燒鵝飯 ($88)，燒鵝以荔枝柴煙熏，鵝皮非常香口，吃起來有鵝油的脂香。鵝肉亦很有水準，肥瘦均稱，肉質嫩滑多汁，而且一點也不韌，入口肥美甘香，完全沒有鵝膻味，更帶有陣陣荔枝柴香，用來配飯吃一流！
至於桂香切雞瀨粉 ($78) 食味亦不俗，切雞煮得熟度剛好，皮下脂肪不多，肉質鮮香，嫩滑富彈性，雞味濃郁，配溜滑的瀨粉吃，夠飽肚又健康。
另外脆皮燒腩仔 ($108) 賣相亦十分誘人，腩仔外皮燒至脆卜卜，吃落皮似薄冰，油脂紋路層次分明！至於肉質方面，脂肪及瘦肉層層相間，肥瘦均勻，入口軟腍無渣，既鬆化又不油膩，能吃到肉香。
食完咁多肉，壓尾當然要食番碟郊外油菜 ($28) 來平衡一下。碟菜心望落去條條都色澤翠綠，食落唔覺老，而且亦無灼得過火，入口清甜無渣。
走前買左兩支外賣港式奶茶，餐廳將新鮮調製好嘅奶茶入樽雪凍，因此茶味不會被沖淡，喝起來比一般的凍奶茶香滑濃郁，仲要唔澀，都係 $28支不算貴。
用餐期間，聽到有食客問燉湯同燒鵝是否可以外帶，店員話湯品係會用呢款外賣杯裝，而且還會附上手抽，杯蓋亦有開合位，非常方便客人拿取及隨手飲用。如果外賣飛機燒鵝，就會先以真空包裝封存，再放入懷舊竹籠籃內，帶回家中品嘗或送禮一樣方便。
張貼
