影片
更多
2024-03-24
511 瀏覽
今日星期六終於可以唞一唞，於是同啊媽去左炮台山。油街附近條街有一間餐廳 @hk.the.white.house ，離遠已經見到佢，因為佢嘅裝修係行歐洲白色餐廳嘅格調，而且除咗室內位之外，仲有安排室外位，可以比客人喺門口飲住咖啡食住蛋糕Chill一Chill🤓。今日仲有幸見到佢哋嘅大野店長，仲同我哋say Hello同Goodbye添😂🫰🏻。Grilled Octopus with Squid Ink Risotto （Set Lunch) $178 佢哋嘅餐單有午餐套餐，晚上都有晚市套餐。套餐有餐湯或者沙律，配一個主食，仲有一杯set drink(English Breakfast Tea)。我哋本身都好鍾意食Risotto，今日揀咗呢一個墨魚汁飯，入面加咗芝士令到成個味道非常濃郁，另外佢嘅巨大八爪魚好有鮮味，而且肉質鮮嫩，絕對唔會咬極都咬唔到。Pan Fried French Duck Breast with Roasted Pumpkin & Parsnip Puree with Chanterelle Sauce $268唔係周圍都有得食鴨，見到呢度有來自法國嘅鴨胸，於是我哋就決
Grilled Octopus with Squid Ink Risotto （Set Lunch) $178
佢哋嘅餐單有午餐套餐，晚上都有晚市套餐。套餐有餐湯或者沙律，配一個主食，仲有一杯set drink(English Breakfast Tea)。我哋本身都好鍾意食Risotto，今日揀咗呢一個墨魚汁飯，入面加咗芝士令到成個味道非常濃郁，另外佢嘅巨大八爪魚好有鮮味，而且肉質鮮嫩，絕對唔會咬極都咬唔到。
Pan Fried French Duck Breast with Roasted Pumpkin & Parsnip Puree with Chanterelle Sauce $268
唔係周圍都有得食鴨，見到呢度有來自法國嘅鴨胸，於是我哋就決定來一波先☺️。佢嘅鴨肉並唔係出邊成日見到嗰種鴨胸，而係新鮮慢煮出嚟，所以口感非常嫩滑。另外佢側邊都有好多唔同嘅配菜，聽店主分享有防風草打成嘅蓉，加上雞油菌做成既汁，非常特別。
Premium Lotus green tea (pot) $88
佢呢一款荷花綠茶係來自越南，飲落味道非常清新，而且有一種荷花池清香既味道，感覺好新奇。綠茶係喺荷花入面取出雄蕊同雌蕊一同發酵而成，好少地方可以試到🩵而且店主仲非常講究，提醒我哋要等待5分鐘先好飲，仲拎埋漏斗幫我地計時，等我哋可以喺最佳時間飲用😂。
Turkish Pistachio Coffee (caffeine-free) with Baklava $98
因為我哋平時唔受得咖啡因，所以好少飲咖啡，但餐廳有一種嚟自土耳其嘅無咖啡因咖啡，入面配有開心果嘅口味，而且店主仲配搭埋都係來自土耳其嘅開心果酥，仲考慮到香港人口味唔食得太甜，所以特意選咗少甜嘅version，真係非常之貼心。咖啡有一浸濃郁嘅香味，飲完一啖再配一口甜品，感覺好滿足。🤗
張貼
