金滬庭京川滬菜館 (已結業)

家庭聚餐必選既食肆, 貪其方便且味道啱! 今晚約了八點, 十五分鐘前黎到...人山人海, 唔太樂觀, 亞哥催了幾次就準時有位!七人散叫了蔥油海蜇頭, $48, 真係幾油, 海蜇頭大大件, 唔夠爽脆!脆皮素鵝, $45, 腐皮包著冬菇, 皮唔脆!酒醉乳鴿, $75, 細細隻都幾貴, 不過, 啲肉幾嫩, 唔鞋, 但酒味唔太濃!招牌生煎飽, $35/5 個, 上次食評寫唔夠脆, 今次個底幾脆, 不過, 餡唔夠飽滿!砂鍋津白, $80, 津白唔夠多, 但夠腍, 豬肚, 蛋角, 蝦米一大堆, 湯好鹹!上海酸辣湯, $20, 特別為父親而叫, 他的評價是唔夠辣, 荀帶點怪味!黑醋排骨, $70, 點解似咕嚕肉多過黑醋既? 應該偏黑嫁 wor! 不過, 啲肉都幾腍!上海粗炒, $52, 油多係一定既, 用黎炒既料都幾多, 嫲嫲幾鍾意食!大班炒飯, $58, 可能係我個人問題, 我真係覺得幾鹹, 唔知點解叫大班呢?酸菜, $3/位, 有花生同酸蘿蔔, 青瓜, 前者無食, 後者頗硬!茶, $10/位, 酒樓賺錢既其中一項, 人多時都侍應都照顧唔切, 但都有禮!