老夫子餐館 (已結業)

今日同朋友去元朗yoho行街， 從遠處見到老夫子同大蕃薯， 原來「老夫子餐館」已進駐元朗。它位於元朗形點二期1樓A101號舖， 位置都好方便， 乘西鐵到元朗站Exit H出口， 步行數分鐘就到啦! 由餐廳嘅門囗設計， 餐內嘅裝修同室內嘅擺設等等， 甚至乎餐牌設計都以老夫子為主題。餐廳以黑白色調為主，有很多老夫子嘅角色作裝飾，牆壁同天花板等地方， 處處都找到老夫子嘅蹤影， 我好像走進老夫子嘅漫畫世界。首先來個《 鮮茄焗豬扒飯 $62》，雖然份量唔算多， 但，豬扒十分入味， 飯底又炒得夠乾， 豬扒肉質嫩滑，加上酸酸甜甜嘅鮮茄汁， 真係滋味 ！另外又叫咗款十大推介《麻辣雞片米線 $36》， 廚師十分細心，可以有小辣、中辣同大辣俾客人選擇， 我就揀咗小辣， 我食到湯底加咗好多香料，令客人食得更加開胃， 米線又爽又彈牙， 清淡嘅雞片加上惹味嘅湯底， 再加爽滑嘅米缐， 不愧為十大推介之一。 真係好味！ 《爐燒原隻摩洛哥雞飯 $98》 ， 廚師掌握燒雞嘅時間剛剛好， 金黃色嘅外表，而色澤十分平均， 雞肉咬開香噴噴， 肉質嫩滑， 外皮烤得十分香脆而唔覺太油膩， 雞內裡釀咗有味飯，仲加咗提子乾在飯中，