加藤日本料理 (已結業)

仲記得係舊公司時代,我臨走一頓午餐,好同事們就係係呢度farewell我,我地五個人要左一個四人套餐,再加一個海炒飯,已經食到好飽,每人都只係幾十蚊,好味又抵食!其中我好鍾意個餐既炸豆腐,唔好以為炸就好油膩,事實剛相反,佢可以做到不油不膩,外脆而內軟,豆腐仲好滑好熱,真係好考功夫,能在此店食到咁高質素既炸豆腐,係我既一個驚喜!另外要一讚既係燒魚(唔記得係咩魚,個名幾特別既),有兩大條,好多肉,燒得又香又脆,又唔會腥喎!人人都話好味!而海炒飯亦係佳作,炒得乾爽唔油,又夠料兼大碟,好好!同埋呢,我地雖然要四人餐,但侍應見我地五個人,主動送多碗飯俾我地,雖然碗飯唔值咩錢,但都覺得佢好細心同好好人!唯一美中不足係個餐唔包甜品,如果唔係可以食下既日本綠茶雪糕就最好!不過其實已經好飽,咁無所謂啦!