3R (已搬遷) 新店位置

有個同事LAST DAY，於是就搞左個FAREWELL PARTY，因為公司近既關係，於是就包左呢個場一晚。入到去俾我既感覺唔錯，雖然地方唔係大，但勝在環境舒適。侍應就唔係好多，可能我地加埋都有三四十人、所以都有少少做唔切。黎得呢D餐廳食野就預左『慢工出細貨』，所以我地都唔期望會好快食完既。頭盤有香煎法國鵝肝配黑醋濃汁、意大利火腿蘑菇芝士焗生蠔、焗大蝦伴雜菜沙律任擇其一；新鮮蕃茄湯；主菜有燒法國有機春雞配香草醬油汁、意式焗鮮班配蕃茄汁、扒和牛配干邑胡椒燒汁任擇其一；仲有個餐飲。野食算唔錯，頭盤揀左焗生蠔、主菜揀左扒和牛，先講焗蠔，味道真係唔錯，但略嫌少得滯，只係草草的兩隻。之後既新鮮蕃茄湯就好好飲、配埋麵包真係一絕。主菜既扒和牛肉汁鮮美、五成岩岩好、唔多唔少﹗因為呢個SET DINNER係無配甜品既，所以無評語。不過我諗平時去既話應該都會包埋既。