正潮樓

營業中

休息中

豆醬蒸黃花魚 🥰聽人講豆醬係潮洲家家戶戶必備既調味料，佢地既黃花魚夠哂鮮甜嫩滑，鲜味十足。既有魚肉既鮮味，又有豆醬既咸香味! 面頭仲有蔥段同小量辣椒絲，食起上黎特別惹味可口!🤤老菜脯豬肚湯❤老菜脯食落有陣獨有既清香味，湯頭清甜夠哂健脾養胃，仲有D黑椒所以越飲越暖肚! 老菜脯其實係蘿蔔乾之後佢地擺放日子耐左就會叫老菜脯，所以其實係好珍貴食材。😋蠔仔肉碎粥 😎係潮州菜必點菜式之一，與其叫佢做粥 我覺得應該叫佢做「蠔糜」。因為佢地既米煮到粒粒分明好完整，而唔係平時食開既糊爛! 而且蠔仔鮮甜，份量仲要唔小，配埋肉碎等食材，令碗粥既味道昇華哂~油泡南澳鮮魷😍入口夠哂香口而且爽而不韌! 魷魚劃花刀法係用直刀斜刀兩種刀法切出麥穗狀既魷魚，令魷魚更加易熟同入味，夠哂鮮香而唔油膩。蒜頭、大地魚等簡單配料，完全突出魷魚既鮮味，爽甜彈牙，香氣四溢。