正九清湯腩．冰室 (美輪大廈)

營業中

休息中

餐廳：正九清湯腩．冰室地點：北角英皇道菜式：冰室餐牌：百搭套餐、百搭小菜、西式焗、常餐、新鮮牛腩牛骨,各款飯，飲品，午餐，下午茶餐等等。淨清湯牛腩 $138淨清湯牛腩超多，一共有廿幾件牛腩，整得好淋，牛味濃，無特別吩咐已經係半肥瘦，果然係招牌。下底四大舊白蘿蔔，又淋又香。蔥花另上。淨牛丸 $39淨牛丸一客七粒，大大粒，味道唔錯，口感彈牙。個清湯加有蔥花。豬扒焗烏冬 $42豬扒焗烏冬大大碟，大大塊豬扒下底有好多烏冬，面頭仲有芝士，係拉絲既。豬扒連骨，超多肉食，少鹹。汁我揀左茄汁，有五件新鮮番茄，個汁甜甜地，好開胃。汽水跟餐唔洗加錢，有獨立包裝飲管。冰底 $3冰底都好大杯。今餐牛腩真係好正！餐廳裝修光猛，算乾淨，今日坐到卡位，座位舒適。