1
招聘中
經理 (將軍澳優先)
$19,000+
月薪
446
22
17
等級4
1.2K
17
正到爆嘅牛大人吃到飽火鍋🍲全部都係牛🐮
2020-07-19 11324 瀏覽
無論網上定朋友親身食過都一致好評嘅牛大人令我期待已久，呢日終於有機會一嚐！我嘅心情簡直係未出發，先興奮😆。本身訂咗五月喺荃灣食，但奈何食物中毒被迫取消，再訂已經要六月底，仲要係下午五點個時段！我呢日專登請咗下晝假食🙈，無諗過準時去到，已經全部都係人，坐滿哂個走廊，勁誇張！好彩我哋訂到位啫，如果唔係應該食唔到，Walk-in嘅話要預下午四點半吧。店員安排咗我哋坐二人枱，都坐得幾舒服😀，打邊爐最重要係冷氣夠。餐廳真係好大，有超多座位，但都全部爆滿；部份四人卡位設計較為獨立，更以廿四節氣命名，好特別。一開始店員問我哋有無食過，再簡單介紹下個流程。首先就係揀選湯底嘅部份🍲，有九款選擇，全部各有特色，兼係台灣風味，同港式鍋底唔同。鴛鴦鍋要加$50，不過一場嚟到就試多款啦，我哋要咗㊙️牛大人秘方麻辣鍋同牛大人紅燒牛骨鍋。前者有得揀辣度，我哋要咗小辣，辣味相對弱，完全係我接受範圍，食得出有少少麻味同藥材味，但整體未算突出。後者就反而有啲眼前一亮，紅燒湯本身帶有好微嘅辣，而且仲不乏牛骨香，又夠濃味，正。不過食到後期就鹹咗啲。點完湯底後，我哋就事不宜遲嗌牛肉🐮，肉類同部份台灣食材係要用手機自助落單，都方便
更多
159 瀏覽
0 讚好
0 留言
 無論網上定朋友親身食過都一致好評嘅牛大人令我期待已久，呢日終於有機會一嚐！我嘅心情簡直係未出發，先興奮😆。
117 瀏覽
1 讚好
0 留言
 本身訂咗五月喺荃灣食，但奈何食物中毒被迫取消，再訂已經要六月底，仲要係下午五點個時段！我呢日專登請咗下晝假食🙈，無諗過準時去到，已經全部都係人，坐滿哂個走廊，勁誇張！好彩我哋訂到位啫，如果唔係應該食唔到，Walk-in嘅話要預下午四點半吧。
101 瀏覽
1 讚好
0 留言
 店員安排咗我哋坐二人枱，都坐得幾舒服😀，打邊爐最重要係冷氣夠。餐廳真係好大，有超多座位，但都全部爆滿；部份四人卡位設計較為獨立，更以廿四節氣命名，好特別。
653 瀏覽
0 讚好
0 留言
 一開始店員問我哋有無食過，再簡單介紹下個流程。首先就係揀選湯底嘅部份🍲，有九款選擇，全部各有特色，兼係台灣風味，同港式鍋底唔同。
牛大人紅燒牛骨鍋
70 瀏覽
0 讚好
0 留言
 鴛鴦鍋要加$50，不過一場嚟到就試多款啦，我哋要咗㊙️牛大人秘方麻辣鍋同牛大人紅燒牛骨鍋。前者有得揀辣度，我哋要咗小辣，辣味相對弱，完全係我接受範圍，食得出有少少麻味同藥材味，但整體未算突出。後者就反而有啲眼前一亮，紅燒湯本身帶有好微嘅辣，而且仲不乏牛骨香，又夠濃味，正。不過食到後期就鹹咗啲。
530 瀏覽
0 讚好
0 留言
 點完湯底後，我哋就事不宜遲嗌牛肉🐮，肉類同部份台灣食材係要用手機自助落單，都方便嘅。牛大人收費分三段，包括(1)精選嫩牛、(2)美國SRF極黑牛同(3)澳洲極上和牛，分別在於食材嘅種類多少，愈貴就愈多選擇同質素愈好。我哋見價錢唔差太遠加上係第一次幫襯，就試最貴嗰款。
171 瀏覽
0 讚好
0 留言
 落完第一輪單後，我哋就出去自助區拎🥦蔬菜同🍢丸類嘅配料，雪櫃夠哂凍，係咁吹凍風出嚟，感覺算乾淨衞生。種類非常多，部份食材更並不常見，但我建議適可而止，要留肚食牛肉嘛🐂。
48 瀏覽
0 讚好
0 留言
 但每樣拎一件，拎下拎下個碗又裝到滿哂😂。我哋拎咗唔同味嘅丸(好飽肚)、蟹柳、水魷魚、金菇同粟米等等。
117 瀏覽
0 讚好
0 留言
 一開始嘅時候，醬油區排哂長龍，好彩我唔落㗎啫。不過個人認為俾啲耐性，等多半個鐘就乜人都無，爭取時間食嘢好過😜。
67 瀏覽
6 讚好
0 留言
 哇哇哇，唔洗幾分鐘，食物就送上，霎時間枱面放滿晒嘢，仲要成座山咁高添！感覺非常澎湃，我哋真係好瘋狂。食牛大人嘅攻略好簡單就係喪食牛🥩，我哋基本上每款牛都有嗌嚟試。不過齋望個樣其實我唔係好分得出邊款打邊款，而店員亦都唔係好知...。唯有認住個樣再對圖分辨啦！
60 瀏覽
2 讚好
0 留言
 雖然大部份牛肉比較薄切(封門柳除外)，但勝在夠大塊，所以食落都有口感兼滿足感🤤。印象中以下幾款牛肉幾正，排名不分先後：
安格斯牛小排
52 瀏覽
1 讚好
1 留言
 1️⃣安格斯牛小排
手切封門柳
39 瀏覽
0 讚好
0 留言
 2️⃣手切封門柳
澳洲和牛M5牛肩卷
38 瀏覽
1 讚好
0 留言
 3️⃣澳洲和牛M5牛肩卷
美國SRF極黑牛肩胛肉眼
53 瀏覽
0 讚好
0 留言
 4️⃣美國SRF極黑牛肩胛肉眼
澳洲M9和牛蘑菇芝士味牛丸
37 瀏覽
0 讚好
0 留言
 另外，每位客人獲贈送澳洲M9和牛蘑菇芝士味牛丸兩粒，牛丸幾彈牙，而且爆芝流心的🧀。
澎湖花枝漿及蟹籽墨汁漿
33 瀏覽
0 讚好
0 留言
 澎湖花枝漿及蟹籽墨汁漿，呢個應該係台灣叫法，香港就即係🦑墨魚滑、XX滑嗰類。本身抱有期望，但食落口感唔夠彈牙，有啲失望，味道亦唔太特別。兩個人食就嗌一兩款好了，因為份量偏多加飽肚。
38 瀏覽
0 讚好
0 留言
 海鮮選擇亦有幾款，我哋試咗🦐鮮甜海蝦同真台灣鯛魚片，但唔記得咗嗌沙白。
台式蛋餃
62 瀏覽
1 讚好
0 留言
 台式蛋餃、手工大黑輪同高麗菜水餃🥟，嗌呢幾樣係因為覺得比較特別，蛋做餃皮嘅餃子原來咁好味🥚，大黑輪真係好大塊...，水餃我就無食，但皮有啲薄爆開咗。
鬼馬老油條
63 瀏覽
1 讚好
0 留言
 鬼馬老油條，即係迷你油炸鬼，幾趣致☺️。
牛媽秘制滷牛肚
38 瀏覽
0 讚好
0 留言
 牛媽秘制滷牛肚，打邊爐比較少食，唔好淥太耐，因為本身都少韌🤔。
屏東水蓮菜
51 瀏覽
1 讚好
0 留言
 屏東水蓮菜係唯一一樣要用App落單嘅蔬菜🥦，可能因為比較矜貴啦，份量嚟得亦相當少。不過打邊爐食真係好好食，索湯得嚟，又夠爽脆，食到停唔到口。
23 瀏覽
0 讚好
0 留言
 我哋喺自助區仲拎咗油麥菜、萵筍同蜂巢豆腐；來自台灣嘅👑皇帝菜亦都有得拎。
204 瀏覽
0 讚好
0 留言
 我哋總共叫咗兩輪食物，食物上得好快又好齊，只係唔太拿捏到個份量應該叫幾多，但唔夠食就再叫啦。120分鐘嘅任食時間話長唔長、話短唔短，我哋戰鬥足全程🤣，都覺得有少少趕，不過夠哂飽，所以我哋最終無食到麵類同台灣小吃嘅熟食。
43 瀏覽
0 讚好
0 留言
 飲品方面🥤，選擇非常多，有大大個飲品雪櫃，當中嘅冷泡茶好正，同時亦有紙包(可試麥仔茶)同罐裝飲品。另外，有幾款台式飲品如冬瓜茶同烏梅汁等就要用App落單叫。
白桃烏龍
26 瀏覽
1 讚好
0 留言
 冷泡茶有四款，我哋全部試哂，哈哈。膠樽樽身幾靚，大大隻字寫清楚邊款打邊款🍵。白桃烏龍同桂花烏龍最好飲，兩者有烏龍茶香之餘，更有啖啖白桃味同桂花味。個人認為白桃🍑較特別，略勝一籌。
菊花普洱
30 瀏覽
0 讚好
0 留言
 至於洛神花茶就一向比較濃味帶點酸，都唔錯。菊花普洱最普通，茶底較苦，亦無咩菊花香🌼。
台式仙草凍
26 瀏覽
0 讚好
0 留言
 最後就係甜品，我哋要咗一份台式仙草凍，份量少少地，啱啱好，涼粉幾滑幾甜，而且仲有好多餡料搭配添👍。仙草凍以外就係港女至愛嘅Movenpick雪糕🍨。
59 瀏覽
0 讚好
0 留言
 食材質素同種類無得輸，服務亦都好好。佢哋全部人勁忙，送餐收碟做到無停手，但都能保持禮貌。就算食到夠鐘，都只係溫馨提示客人，無話態度好差🙇🏻‍♀️。
47 瀏覽
0 讚好
0 留言
 總括嚟講，牛大人真係攞滿分💯，親身試過後就知評論無呃人😋，埋單計埋湯底人均都係三百蚊到，性價比高！我哋食完第二日就已經想再食，無厭嘅感覺，不過離開餐廳時見到幾人頭湧湧，就心知唔知幾時先再食到😣。
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
5 已推介
    張貼
    評分
    味道
    環境
    服務
    衛生
    抵食
    用餐日期
    2020-06-26
    用餐途徑
    堂食
    人均消費
    $300 (晚餐)
    推介美食
    牛大人紅燒牛骨鍋
    安格斯牛小排
    手切封門柳
    澳洲和牛M5牛肩卷
    美國SRF極黑牛肩胛肉眼
    澳洲M9和牛蘑菇芝士味牛丸
    台式蛋餃
    屏東水蓮菜
    白桃烏龍
    台式仙草凍