影片
更多
2020-07-19
11250 瀏覽
無論網上定朋友親身食過都一致好評嘅牛大人令我期待已久，呢日終於有機會一嚐！我嘅心情簡直係未出發，先興奮😆。本身訂咗五月喺荃灣食，但奈何食物中毒被迫取消，再訂已經要六月底，仲要係下午五點個時段！我呢日專登請咗下晝假食🙈，無諗過準時去到，已經全部都係人，坐滿哂個走廊，勁誇張！好彩我哋訂到位啫，如果唔係應該食唔到，Walk-in嘅話要預下午四點半吧。店員安排咗我哋坐二人枱，都坐得幾舒服😀，打邊爐最重要係冷氣夠。餐廳真係好大，有超多座位，但都全部爆滿；部份四人卡位設計較為獨立，更以廿四節氣命名，好特別。一開始店員問我哋有無食過，再簡單介紹下個流程。首先就係揀選湯底嘅部份🍲，有九款選擇，全部各有特色，兼係台灣風味，同港式鍋底唔同。鴛鴦鍋要加$50，不過一場嚟到就試多款啦，我哋要咗㊙️牛大人秘方麻辣鍋同牛大人紅燒牛骨鍋。前者有得揀辣度，我哋要咗小辣，辣味相對弱，完全係我接受範圍，食得出有少少麻味同藥材味，但整體未算突出。後者就反而有啲眼前一亮，紅燒湯本身帶有好微嘅辣，而且仲不乏牛骨香，又夠濃味，正。不過食到後期就鹹咗啲。點完湯底後，我哋就事不宜遲嗌牛肉🐮，肉類同部份台灣食材係要用手機自助落單，都方便
無論網上定朋友親身食過都一致好評嘅牛大人令我期待已久，呢日終於有機會一嚐！我嘅心情簡直係未出發，先興奮😆。
本身訂咗五月喺荃灣食，但奈何食物中毒被迫取消，再訂已經要六月底，仲要係下午五點個時段！我呢日專登請咗下晝假食🙈，無諗過準時去到，已經全部都係人，坐滿哂個走廊，勁誇張！好彩我哋訂到位啫，如果唔係應該食唔到，Walk-in嘅話要預下午四點半吧。
店員安排咗我哋坐二人枱，都坐得幾舒服😀，打邊爐最重要係冷氣夠。餐廳真係好大，有超多座位，但都全部爆滿；部份四人卡位設計較為獨立，更以廿四節氣命名，好特別。
一開始店員問我哋有無食過，再簡單介紹下個流程。首先就係揀選湯底嘅部份🍲，有九款選擇，全部各有特色，兼係台灣風味，同港式鍋底唔同。
牛大人紅燒牛骨鍋
70 瀏覽
0 讚好
0 留言
點完湯底後，我哋就事不宜遲嗌牛肉🐮，肉類同部份台灣食材係要用手機自助落單，都方便嘅。牛大人收費分三段，包括(1)精選嫩牛、(2)美國SRF極黑牛同(3)澳洲極上和牛，分別在於食材嘅種類多少，愈貴就愈多選擇同質素愈好。我哋見價錢唔差太遠加上係第一次幫襯，就試最貴嗰款。
落完第一輪單後，我哋就出去自助區拎🥦蔬菜同🍢丸類嘅配料，雪櫃夠哂凍，係咁吹凍風出嚟，感覺算乾淨衞生。種類非常多，部份食材更並不常見，但我建議適可而止，要留肚食牛肉嘛🐂。
48 瀏覽
0 讚好
0 留言
一開始嘅時候，醬油區排哂長龍，好彩我唔落㗎啫。不過個人認為俾啲耐性，等多半個鐘就乜人都無，爭取時間食嘢好過😜。
哇哇哇，唔洗幾分鐘，食物就送上，霎時間枱面放滿晒嘢，仲要成座山咁高添！感覺非常澎湃，我哋真係好瘋狂。食牛大人嘅攻略好簡單就係喪食牛🥩，我哋基本上每款牛都有嗌嚟試。不過齋望個樣其實我唔係好分得出邊款打邊款，而店員亦都唔係好知...。唯有認住個樣再對圖分辨啦！
雖然大部份牛肉比較薄切(封門柳除外)，但勝在夠大塊，所以食落都有口感兼滿足感🤤。印象中以下幾款牛肉幾正，排名不分先後：
安格斯牛小排
50 瀏覽
1 讚好
1 留言
手切封門柳
37 瀏覽
0 讚好
0 留言
澳洲和牛M5牛肩卷
38 瀏覽
1 讚好
0 留言
美國SRF極黑牛肩胛肉眼
49 瀏覽
0 讚好
0 留言
澳洲M9和牛蘑菇芝士味牛丸
33 瀏覽
0 讚好
0 留言
澎湖花枝漿及蟹籽墨汁漿
30 瀏覽
0 讚好
0 留言
25 瀏覽
0 讚好
0 留言
台式蛋餃
54 瀏覽
1 讚好
0 留言
鬼馬老油條
51 瀏覽
1 讚好
0 留言
牛媽秘制滷牛肚
30 瀏覽
0 讚好
0 留言
屏東水蓮菜
51 瀏覽
1 讚好
0 留言
23 瀏覽
0 讚好
0 留言
我哋總共叫咗兩輪食物，食物上得好快又好齊，只係唔太拿捏到個份量應該叫幾多，但唔夠食就再叫啦。120分鐘嘅任食時間話長唔長、話短唔短，我哋戰鬥足全程🤣，都覺得有少少趕，不過夠哂飽，所以我哋最終無食到麵類同台灣小吃嘅熟食。
飲品方面🥤，選擇非常多，有大大個飲品雪櫃，當中嘅冷泡茶好正，同時亦有紙包(可試麥仔茶)同罐裝飲品。另外，有幾款台式飲品如冬瓜茶同烏梅汁等就要用App落單叫。
白桃烏龍
24 瀏覽
1 讚好
0 留言
菊花普洱
30 瀏覽
0 讚好
0 留言
台式仙草凍
26 瀏覽
0 讚好
0 留言
食材質素同種類無得輸，服務亦都好好。佢哋全部人勁忙，送餐收碟做到無停手，但都能保持禮貌。就算食到夠鐘，都只係溫馨提示客人，無話態度好差🙇🏻♀️。
總括嚟講，牛大人真係攞滿分💯，親身試過後就知評論無呃人😋，埋單計埋湯底人均都係三百蚊到，性價比高！我哋食完第二日就已經想再食，無厭嘅感覺，不過離開餐廳時見到幾人頭湧湧，就心知唔知幾時先再食到😣。
張貼
