上海老家 (已結業)

第一次投稿，不吐不快。唔明點解咁多人話好食，慕名而來，失望而回。片皮鴨同小籠包要訂，以為係咩正嘢。點知個鴨同面皮係凍，未食過咁難食。炒膳糊夠膽死賣咁貴，一啲都唔好食。雪菜毛豆百頁有雪水味。我真係唔知自己食咗咩。食飯時間得幾枱客，唔知啲讚好點樣嚟。真係被openrice害得慘，被水軍害得慘。最犀利係老闆嘅待客之度。不可一不可再。本身定咗半隻鴨，我哋有個人無嚟，同佢講例牌係咪少啲，可唔可以轉例牌。老闆話得一隻或半隻，半隻唔多得8片。我以為聽錯，上到真係得幾片，塞牙縫都唔夠。我話唔要優惠價半隻鴨，比正價係咪大隻啲。侍應話啲鴨係咁細隻。真係笑咗。無心做餐廳，唔好開餐廳，唔好浪費食物。服務果粒星係比侍應。