How To Live Well (K11購物藝術館)

營業中

休息中

呢間餐廳其實好早期已經有聽過，但係一直都未有機會去呢間分店食，今日終於被朋友相約你呢度食飯，所以都特登早少少收工過嚟行一行家品店先，其實真係好鍾意呢度傢俬行嘅自然日系純木風。至於食物方面，今日都叫咗唔同嘅嘢，全部都覺得幾好食。Pizza就要咗個Six cheese pizza，有齊 mozzarella, gorgonzola, fontina, emmental, cheddar, parmigiano reggiano 。新鮮熱辣上枱， Pizza皮超脆，芝士亦都有拉絲效果，另外就係佢會額外比一啲蜜糖你做沾醬，第一次咁樣食，都幾得意。燴和牛面頰肉肉醬粗管通粉呢個真係有驚喜，意粉嘅軟硬度剛剛好，加埋和牛面頰肉好嫩滑！飲品我就要咗一個tropical Sunrise，入邊有百香果，橙汁，蜜糖，同埋巴西cold brew，幾特別，感覺係啲東南亞地方先會飲到嘅味道。朋友就要咗guava oasis，入面除咗西柚汁同瓜汁之外，更加加埋蜜糖，朋友都話好清新。