羅勒印度餐廳 (七姊妹道)

營業中

休息中

每次朋友想食咖哩,我哋都會專登去北角七姊妹道,因為有間米芝蓮嘅印度餐廳啲咖哩非常之香,喺出面根本食唔到咁好食嘅咖哩羅勒印度餐廳 地址喺北角七姊妹道7號昌輝閣地下地鐵站一出就係,餐廳地方都好闊落,裝修好整潔,喺度食飯感覺得幾舒服職員唔識廣東話，全程都係用英文溝通，他們非常友善黑松露烤餅配咖哩牛肉and 椰香咖哩雞,烤餅焗到好酥脆,食落去好軟,黑松露獨特嘅香味同咖哩嘅香味夾埋一齊真係好配搭,完全將咖哩嘅香味提升一個層次,咖哩牛肉偏辣少少,鍾意食辣嘅朋友一定會喜歡。椰香咖哩雞,咖哩雞味道好有層次有椰香同香料味,雞肉每一件都好嫩滑印度天多羅燒雞,用鐵板上嘅燒雞一上枱已經聞到好香嘅味道,香料醃到好入味,雞皮帶有少少焦香,非常香脆,入口雞肉好嫩滑好juicy加上印度獨特嘅香料,味道真係好有層次。個人覺得呢個係必試香炸蝦球 蝦球外層嘅炸漿一啲都唔厚,做到皮薄餡靚,一啖咬落去外面非常酥脆, 入面嘅蝦肉仲係好爽口彈牙味道鮮甜。芒果奶昔,夠曬凍冰冰，而且入口感覺好幼滑好 Creamy,，獨特嘅芒果香味加上乳酪,又解渴味道又清新。