老鍋台式火鍋 (金馬倫道) (已結業)

好耐無打邊爐，朋友見到老鍋做緊折扣，好抵食，我地就約埋一齊去烚下烚下啦。可以自己出去揀自己中意嘅醬料。我地叫左個湯底係酸菜白菜鍋，勁足料，有粟米，蕃茄，黃芽白，菇菌，京葱等，湯底酸酸甜甜幾開胃，入面仲有好多薯粉。老鍋丸餃井字盤我地叫左蛋餃和墨魚丸，墨魚丸爽口彈牙，蛋餃香濃蛋香味。台灣蒜香腸每次去親台灣都係必食香腸，好好食。響鈴卷新鮮炸起，無咩油膩感，吸哂湯汁十分好食。我地叫左杭菊露同冬瓜茶，清下熱氣。