等等HEA

營業中

休息中

同朋友慢遊九龍城, 打算夜晚輕食, 戒澱粉質冇咁肥, 但九龍城8點幾周圍的Coffee Shop都閂曬, 見小店仍然營業, 仲好夜先收工, 同朋友立即入內試試。見到餐牌大大隻炸雞脾, 皮脆肉嫩咁, 就算減肥都想一試, 再問下店員, 係生炸雞脾好好食, 咁就即刻落單試下。上菜時真係好香脆, 一切開就有肉汁流出嚟, 店員仲拎左台灣阿宗辣椒醬俾我哋試, 少少辣同雞脾真係好夾, 而且冇脂肪痴住皮, 減少咗咁罪惡感。朋友見到台式小食, 立即叫左大腸包小腸, 明明話唔食澱粉質....但因為好食, 一上枱就清咗。下次再試多幾樣小食, 感受下家鄉嘅味道。