正潮樓

營業中

休息中

二訪灣仔依間「正潮樓」，又試下其他菜式先，雖然今餐無Order到主食，但都食到滿載而歸。*此餐廳收取加一服務費。滷水鵝片（單點$168），鵝片肉質皮薄肉厚，口感嫩滑，滷水味道濃郁，配以蒜泥白醋食用，味道酸溜，配料包括有滷水豆腐、滷水花生。脆皮九肚魚（單點$168），即叫即炸，略嫌炸衣口感稍為硬實，九肚魚魚塊皮肉相連，肉質厚身，味道鮮甜，略嫌帶有細骨，配以白胡椒食用，食落好香口。汕頭煎蠔烙（單點$108），蛋皮食落蛋香味濃，內有香蔥，生蠔份量多，食落好新鮮，配以魚露食用，味道更佳。煎荷蘭薯粿（單點$58），採用馬鈴薯、蝦米、香菇、臘腸製作，口感外酥脆內軟糯，味道類似馬鈴薯版的蘿蔔糕，但製作方法是煎而不是蒸。清心丸綠豆爽（單點$48），採用開邊綠豆、冰糖製作，清心丸口感略帶煙韌，味道微甜；綠豆口感上仍然保留豆子原有的質感，不會起沙，食落口感稍為硬實但帶有一點軟的狀態；糖水口感濃稠，味道清甜。茗茶（兩人$24），鐵觀音，茶味濃厚。