麻辣娘子 (形薈) (已結業)

朋友介紹的川菜店，佢食過讚不絕口，所以我都嚟試下今日叫咗一個酸菜魚湯米線，天氣熱食酸野最開胃喇，中午唔使等位即刻有位，加上掃QR code落單好方便，可以慢慢揀，我就揀咗酸菜魚湯米線+午餐肉+鴨血，酸菜魚湯味道好出，分量好足，鍾意食酸菜魚嘅朋友可以考慮過嚟試呀，仲附有配料酸菜粒,菜脯粒, 蔥粒，芽菜等等跟住仲叫咗小食泡椒豬手粒，浸到好入味，麻麻香香，愈食啲辣味先湧出黎，但又唔會過辣，好醒胃，仲有細份川汁皮蛋，細份唔夠食，下次可以叫大份一份米線+兩個小食，價錢都唔係好貴，下次仲想試下其他嘢，例如雞煲，賣相好吸引，麻辣娘子值得推介