影片
更多
2012-10-15
44 瀏覽
首先要多謝Alex同老闆Ben哥為我地準備咁豐富既一餐~~地點上實在唔係一個旺位, 我唔睇地圖都未必識黎但一去到門口, 發現點解咁多人排晒隊!??唔通真係咁正? 咁抵食??當然我地一行八人既試食團就唔洗喺門口等啦 ^^當初Ben哥同我講樣樣試D咁樣~ 大家都諗住唔會食到好飽~~ 志在試下菜咁.....但我地好快就收返呢句說話.........先黎既人兩款生蠔前者係蘇格蘭石蠔石蠔黎講size都算大隻, 亦好新鮮~教大家點試隻蠔新唔新鮮既方法, 滴幾滴檸檬汁落隻蠔既裙邊度, 如果你見佢仲識得縮既就一定係啱啱開無耐!石蠔味道比較中性, 蠔味適中, 金屬味唔濃, 係一種好易入口既蠔~然後試既係Tasmanian - 澳洲南部既一個大島澳洲蠔既特點就係海水味濃, 偏咸呢隻當然都係啦, 如果怕海水味既, 可以放幾分鐘先食, 比時間隻蠔吐出多餘海水食澳洲蠔切忌放入口就吞, 如果係咁既就會只食倒咸味慢慢趙先可以等個咸味退去食倒蠔既鮮甜澳洲蠔黎講呢隻都算相當唔錯!食完蠔就到沙律煙三文魚口感結實, 無溶溶爛爛既感覺亦無近皮位而引致既鯹味, 幾好~羅馬生菜配芝蔴醬確係少見! 感覺好似日式多過似意式咁味道都幾
地點上實在唔係一個旺位, 我唔睇地圖都未必識黎
但一去到門口, 發現點解咁多人排晒隊!??
唔通真係咁正? 咁抵食??
當然我地一行八人既試食團就唔洗喺門口等啦 ^^
當初Ben哥同我講樣樣試D咁樣~ 大家都諗住唔會食到好飽~~ 志在試下菜咁.....但我地好快就收返呢句說話.........
先黎既人兩款生蠔
前者係蘇格蘭石蠔石蠔黎講size都算大隻, 亦好新鮮~
教大家點試隻蠔新唔新鮮既方法, 滴幾滴檸檬汁落隻蠔既裙邊度, 如果你見佢仲識得縮既就一定係啱啱開無耐!
石蠔味道比較中性, 蠔味適中, 金屬味唔濃, 係一種好易入口既蠔~
然後試既係Tasmanian - 澳洲南部既一個大島
澳洲蠔既特點就係海水味濃, 偏咸
呢隻當然都係啦, 如果怕海水味既, 可以放幾分鐘先食, 比時間隻蠔吐出多餘海水
食澳洲蠔切忌放入口就吞, 如果係咁既就會只食倒咸味
慢慢趙先可以等個咸味退去食倒蠔既鮮甜
澳洲蠔黎講呢隻都算相當唔錯!
食完蠔就到沙律
煙三文魚口感結實, 無溶溶爛爛既感覺亦無近皮位而引致既鯹味, 幾好~
羅馬生菜配芝蔴醬確係少見! 感覺好似日式多過似意式咁
味道都幾夾, 如果加埋烘過既芝蔴就更佳!
跟住黎杯果汁清清佢~
杯杯都有少少唔同色~證明一定係鮮搾!! 抵讚!但鮮搾果汁都有一個通病, 就係唔夠凍!
加冰又淡左, 唔加又唔夠凍
可以試下雪凍D水果先搾或者轉用一D轉數無咁快既搾汁機
好多時都係因為搾汁機片刀既磨擦令個D野熱左~
講返味道佢就真係幾正! 可能因為我中意飲石榴汁啦~
同埋佢似乎加左少少芒果去提升返個甜味~
跟手就到"飯"
本身諗住意大利大廚主理, 應該好正宗點知大廚同我講, 為左配合香港人口味, 特登煮唸D.....即刻有少少失望...
牛肝菌好香好香!! 大廚話係取自意大利既野菌, 食味上的確唔似香港平時食倒既級數~
我自己就真係好中意呢個!! 如果用返正宗意大利煮法我諗會更正!!
其實好多香港人都唔介食硬身既正宗意大利米架!!
飯完再食"麵"
個茄汁做得幾好~ 可以黏上意粉表面唔係咁容易墨汁麵個味唔明顯, 如果想食墨汁既都係建議食黑色汁...唔好揀黑色麵...
海鮮選料幾講夠, 雖然份量所限我只係試左隻蜆
但眼見其他料都似乎係新鮮海鮮, 一個海鮮意粉如果用左急凍野, 仲有乜意思!!!?
可見大廚對食物有一種熱誠!
嘩嘩嘩....大到呢...
呢塊超巨型既肉眼扒...上枱時好香好香~~~可惜大家忙於征服其他食物
到享用牛扒時佢已經唔多熱...
但都好正!! 肉味香濃, 食落有肉汁, 切落去又唔會"必"汁~ 唔易做架
牛扒本身既質素絕到以同US angus比~!
勁厚勁多料
呢個Pizza其實幾驚喜~咁多parma ham本來諗住咸死!!
點知佢又無想像中咁咸喎!
配埋鬆軟既pizza底同芝士, 堅正! 食完一件都唔覺得滯!
parma ham屬濕身, 應該係焗完先落
如果焗乾左就真係好能又咸又硬!
呢個豬仔骨勁長....比平時食既長左一截...
大廚特別話呢個係用新煮法做, 整個過程都係焗製唔講你唔知, 其實出面好多地方做豬仔骨, 都係先烚熟再加醬汁焗架...
如果要由頭到尾都焗, 用既時間長好多, 同埋要時不時加醬再焗, 又要睇火, 無乜人願做....我自己整過完全明白有幾煩...
味道上BBQ汁唔會太濃味, 骨肉分離~ 肉又好唸~ 同你食意粉屋完全唔同! 值得一試!
high tea 都有!??
呢個又係一個suprise...真係估唔到會比我地試埋個high tea set...甜點既味道上算合理吧~ 可能我對甜品要求太高 ^^"
要批評既我諗係為左賣相好而落得太多魚膠吧...
至於咸點呢, 有三個唔同既多士配他他
有白汁蛋, 有三文魚, 有吞拿魚
我試左既吞拿魚 (應該係mix左肝醬)
味道都OK, 始終唔係純肝醬~~唔可咁大期望~
但聽聞呢個high tea set好平~ 如果真係好平既就點都叫值回票價啦!
最後出場既係招牌甜品!!
點為之一個好既心太軟呢??朱古力味要濃, 心太軟要夠熱, 雪糕要超凍, 當然仲要夠"流"啦!!
以上既野呢度做到晒, 咁仲有咩好講??
食啦!!!
後感...
如果真係做得好既, 其實我覺得菜式上唔洗太過刻意就香港人口味
而且好多香港人都已經好受落一D以前唔習慣既"正宗"風味
而家反而好似搞到D菜式"意"又意唔晒, "港"又港唔晒~
食客比得錢食意大利菜, 當然期望食正宗~ 唔啱食係食客既飲食習慣問題, 但如果一心諗住食正宗意菜而來既食客就可能會好失望!!
張貼
