小魚兒 (寶漢大廈) (已結業)

小魚兒有幾間分店，銅鑼灣呢間位置方便，好闊落，坐得都好舒服！老壇酸菜豆花海鱸魚一盆烤魚份量勁多，4個人食都仲有得淨🫣魚肉好滑嫩，好鮮味，配上海量既芽菜/雲耳/酸菜/豆花，仲有吸汁既寛粉，愈煮愈濃味，超級正😍我地另外加佐黃花魚春，魚春好大條好飽滿，充滿蛋白質呀！辣酒東風螺估唔到呢度都有東風螺食，螺肉都好大粒，爽口彈牙，亦都好入味，辣辣地夠晒惹味！而且螺肉都有唔少，依家既價錢又平啲喎，真係勁抵食呀！