金柚泰國菜

營業中

休息中

大角咀都唔少泰國菜，有日經過見呢間最多人，就覺得要揾日試下。海鮮椰汁炒飯 $69唔算好大碟，大約 2 - 3 碗。飯底加咗加蘿蔔粒，粟米粒，提子乾、青豆，至於海鮮就有青口、蟹柳同魷魚。食落口係淡淡香嘅椰子味，一 d 都唔油。蒜蓉炒通菜 $58熱辣辣上枱，好有鑊氣。用咗蒜蓉同辣椒嚟炒，好惹味。鹹蛋炒鮮魷 $98個人好鍾意食鹹蛋炒嘅餸。呢碟又係熱辣辣上枱，鹹香的鹹蛋黃醬配埋爽脆彈牙的魷魚，一流。佢d魷魚唔係橡膠咁，唔會咬到牙軟。食埋喺碟多咗嘅鹹蛋粒，即刻試到埋佢嘅香口同鹹脆！最後埋單，侍應仲送咗碟椰汁糕，唔太甜，味道清清的，唔錯。