泰麵膳 (已結業)

本來唸住去尖沙咀呢條街亂行一下，除左街頭吉魚蛋有印象外，感覺呢條街已然無咩好食，但係下晝係面書睇到飲食男女有個肥仔介紹過呢間船麵，行過望到 ship noodles, 以為介紹得既，可能得包裝膽粗粗入去坐底試下啦，人多但招呼比想像中很快，其實都幾多人食，但上菜唔洗呆等，香港人最緊要快快快嘛！見好多人都叫安格斯牛肉船麵，我都試下啦，唔知用左咩湯底，感覺肉骨茶湯底，但好好味，Yummy, 唔錯！小食好美味，牛肉沙律，配菜都很爽口，估唔到真係無介紹錯！怪不得咁多人食啦！下次試下有個鴨腿，隔離枱呀婆 d牙唔夠力都食，仲推介呢應該好淋好易食，有機會值得再試！