凱悅海南雞專門店 (已改名) 查看

朋友話元朗有一間海南雞好出名.今次去開嗰度做嘢!就入去試下。🥢無骨海南雞配黃薑飯雞肉嫩滑,肉厚多汁,好夠味,而且已經去骨,咬落去啖啖肉,口感唔錯。🥢招牌醉雞配黃薑飯雞肉有好香嘅花雕酒,肥美嫩滑,雞味極濃。🥢黃薑飯色澤金黃,飯粒分明軟硬適中,一啲都唔油,好味。🥢每個套餐都會跟一碗紫菜湯佢地嘅湯底係用雞殼和雞骨熬製出來的,所以飲得出沒有味精,特別濃郁。紅豆冰和咖啡紅豆煮得夠淋,微甜,好飲。咖啡夠香濃,唔錯。總結:地方乾淨,份量又足夠,平民價錢,服務態度好,下次會再來。