波記燒臘粉麵店

營業中

休息中

呢間位於香港大學站b出口嘅波記可以話係港大同學仔必食嘅燒味店。鋪面唔算特別，同普通嘅燒味專門店大致一樣，而餐牌都係好平凡嘅menu：單拼雙拼飯/瀨粉。筆者叫左最常見嘅叉燒燒肉飯，先講叉燒，叉燒非常惹味邪惡，蜜糖燒汁加埋肥叉燒上嘅脂油簡直令人食指大動；燒肉皮亦都整得非常之脆，份量亦唔算少。另外值得留意係佢堂食有宜家買少見少嘅支裝可樂，配埋肥膩嘅燒味簡直一絕！至於用餐環境方面，因為係小店嘅關係，所以店面唔算大，位置唔多而且有少少迫，所以建議可以外賣，不過就無得飲賣少見少嘅支裝可樂。