正潮樓

營業中

休息中

間中就會想打冷，比起大排檔式嘅街坊舖，更加鍾意去坐得舒服又精緻嘅餐廳，呢間係好好嘅選擇。滷水鵝片浸得好滑，幼嫩到仲滑過食雞肉，水潤有肉汁，連埋少少皮食好甘香。油泡南澳鮮魷非常新鮮、爽口彈牙，火候控制得岩岩好，鮮魷僅僅熟依然嫩滑。 好鐘意用左大量蔥蒜爆炒，好香口，調味唔會太重，食到鮮魷嘅清甜。沙茶牛肉炒粿條完全推倒乾炒牛河喺我心目中嘅地位，首先菜肉同粿條嘅比例近乎一比一好足料，牛肉靚、沙茶香、芥蘭爽甜，粿條更加鑊氣十足，每一條都極香口，醬汁唔會太咸，難得地我少食澱粉都食到幾碗，食唔停口，大推。