影片
更多
2021-08-16
510 瀏覽
很多香港人都愛吃潮州打冷，我當然也不例外，最近就有朋友推介到尖沙咀的「九記打冷.小菜.粉麵」，皆因打冷菜式風味正宗，可嚐到家鄉味道。餐廳位於漆咸道南，店面不大，屬街坊格局，設有圓檯及多張卡座，環境光猛，地方乾淨企理。呢度嘅食物選擇都幾多，除咗傳統潮州菜外，仲有普通小炒， 另外亦有數款全日供應嘅飯餐及潮州粉麵等，價錢經濟實惠。餐廳全日免收加一，至於茶位方面，就每位 $10，前菜每碟 $20。澄海獅頭鵝飯 ($68)：呢個套餐非常抵食，包澄海獅頭鵝、滷水豆腐拼花生、是日例湯、白飯或白粥，如果想轉蕃薯粥則須另 +$5。+$9 仲可以配冷熱飲品，+$12 可配凍檸樂。是日例湯為老黃瓜豬骨湯，湯水味道好鮮甜，健脾去濕，清熱解暑。獅頭鵝是潮汕地區特產，鵝肉肥美，肉質軟嫩，有咬口得嚟又唔韌，再加上入口有陣陣滷水香，真係無得輸！墊底的滷水豆腐，外表有層薄薄的脆皮，入口豆味好重，滷得好入味，配埋鹹香嘅花生食，味道好正。另外呢個薑蔥鯇魚煲 ($118) 味道亦一流，一打開煲蓋，熱呼呼的蒸氣即時迎面而來，熱辣辣，香噴噴，十分誘人。魚腩兩面都輕煎過，肉質新鮮彈牙，入口啖啖肉，加上爆炒過的乾蔥同薑，食落非常香
餐廳位於漆咸道南，店面不大，屬街坊格局，設有圓檯及多張卡座，環境光猛，地方乾淨企理。
呢度嘅食物選擇都幾多，除咗傳統潮州菜外，仲有普通小炒， 另外亦有數款全日供應嘅飯餐及潮州粉麵等，價錢經濟實惠。
餐廳全日免收加一，至於茶位方面，就每位 $10，前菜每碟 $20。
澄海獅頭鵝飯 ($68)：呢個套餐非常抵食，包澄海獅頭鵝、滷水豆腐拼花生、是日例湯、白飯或白粥，如果想轉蕃薯粥則須另 +$5。+$9 仲可以配冷熱飲品，+$12 可配凍檸樂。
是日例湯為老黃瓜豬骨湯，湯水味道好鮮甜，健脾去濕，清熱解暑。
獅頭鵝是潮汕地區特產，鵝肉肥美，肉質軟嫩，有咬口得嚟又唔韌，再加上入口有陣陣滷水香，真係無得輸！墊底的滷水豆腐，外表有層薄薄的脆皮，入口豆味好重，滷得好入味，配埋鹹香嘅花生食，味道好正。
另外呢個薑蔥鯇魚煲 ($118) 味道亦一流，一打開煲蓋，熱呼呼的蒸氣即時迎面而來，熱辣辣，香噴噴，十分誘人。魚腩兩面都輕煎過，肉質新鮮彈牙，入口啖啖肉，加上爆炒過的乾蔥同薑，食落非常香口，絕對係個人嘅心水推介。
椒鹽九肚魚 ($108) 是每次去打冷時必點嘅菜式之一，呢度亦做得很不錯，條條都炸至金黃香口，肉滑香軟，惹味又好下飯，真係令人百吃不厭。
另外仲點咗白粥 ($12) 同 蕃薯粥 ($14)，白粥煲得夠綿，而蕃薯粥嘅粥同水比例亦恰到好處，米的軟硬度也非常適當，入口帶蕃薯甜香。食完夠晒飽肚，下次有時間會嚟試下佢哋嘅潮州粉麵。
張貼
