隨心 (已搬遷) 新店位置

今晚約咗響鰂魚涌返工嘅朋友食飯，帶我去佢平日嘅飯堂，一間主打「無添加味精」的星馬菜餐廳，的確係好介紹。新加坡炒貴刁上枱已經感受到一份誠意，超有鑊氣，又沒有過火。河粉中夾雜麵條，增添多一種口感，餸料亦不吝嗇，芽菜、臘腸、魚片和大蝦，味道十足，完全感受到東南亞風味。隨心海南雞飯（冇骨）份量十足，海南雞計埋有十幾件，海南鷄香滑度拿捏得剛好，飯不只是雞油飯，是椰汁味十足的雞油飯，飯量足兩碗，配合醬料，超好味。食星馬菜，檸檬飲薏米水當然不能少。朋友叫了一杯冰雪梨茶亦令人回味。總括來說餐廳好味非常正宗，食物份量十足，加上無添加味精，真心值得推介。